آپ ہیرو کیوں نہیں آتے ہمایوں سعید سے سوال

اداکار ہمایوں سعید نے گزشتہ روز اینیمیٹڈ مووی اللہ یار کے ٹیزر لانچ میں شرکت کی ۔ پریس میٹ میں ان سے ہال میں بیٹھے کسی شخص نے سوال کیا۔ بولا ہمایوں سعید صاحب اب بہت اچھے اداکار ہیں لیکن آپ فلموں میں ولن کیوں آتے ہیں ہیرو کیوں نہیں آتے اس پر تقریب کی میزبانی کرنے والے واسع چوہدری نے ان سے پوچھا کہ آپ کہاں رہتے ہیں تو اس شخص نے بتایا کہ وہ کینڈا میں رہتا ہے پھر واسع نے کہا کہ آپ نے ان کو کس فلم میں ولن دیکھ لیا ہے۔ ہمایوں سعید نے کہا کہ بھئی اب تو میرے ہیرو آنے پہ میمز بننے لگ گئےہیں اور تم کہہ رہے کہ میں ولن آتا ہوں

ہیرو نہیں آتا۔ ہمایوں سعید کے اس جواب پر سارا ہال تالیوں اور قہقہوں سے گونج اٹھا۔ ہمایوں سعید نے اس موقع پر کہا کہ جب تک میرے چاہنے والے ہیں میں ہیرو آتا رہوں گا۔ میں فن کی خدمت مرتے دم تک کرتا رہوں گا۔انہوں نے یہ بھی کہا کہ میں نے بہت تنقید سہی ہے لیکن کبھی جواب نہیں دیا میرا جواب میرے اچھے کام کے زریعے ہی آتا ہے۔ انہوں زور دیا کہ زیادہ سے زیادہ فلمیں بننی چاہیے۔