اب غلط کو غلط کہنا پڑے گا ؟‌ سہیل احمد

معروف اداکار سہیل احمد نے اپنے حالیہ انٹرویو میں‌ کہا ہے کہ ہماری سب سے بڑی خامی یہ ہے کہ ہم غلط کو غلط نہیں‌کہہ رہے ، ہمیں‌اگر کوئی کچھ غلط بتا رہا ہو توہم اسکی مذمت کریں ہم تالیاں بجاتے ہیں‌یا سن کر چپ کر جاتے ہیں . جاوید اختر انڈیا سے یہاں آیا ، اور یہاں بیٹھ کر غلط بات کر گیا جس پر ہمارے ہی لوگوں‌نے تالیاں بجا کر اس کی حوصلہ افزائی کی، حالانکہ اس کو آئینہ دکھایاجانا چاہیے تھا لیکن ایسا نہیں‌ہوا. اس نے اپنے ملک میں‌جا کر اپنی اہمیت بتائی اور کہا کہ پاکستان میں بیٹھ کر ان کو غلط کہہ کر آیا ہوں اور ہم نے اسکو جواب ہی نہ دیا. اسکا مطلب یہ ہوا کہ ہم غلط کے ساتھ ایڈجسٹ کرتے جا رہے ہیں. سہیل احمد نے کہا کہ ہمارے دور میں‌ بیٹے باپ کے سامنے سگریٹ نہیں‌پی سکتے

تھے احترام کرتے تھے لیکن اب تو ایسا ہے ہی نہیں ، بچے بڑوں کے سامنے ہی جو دل آئے کررہے ہوتے ہیں جو کہ بہت ہی غلط روش بنتی جا رہی ہے. سہیل احمد نے کہا کہ ملک میں‌جو اس وقت سیاسی ماحول ہے ہمیں‌نیوٹرل ہو کر دیکھنے کی ضرورت ہے کہ کیا ٹھیک ہے کیا غلط ہے، بلاوجہ کسی کے کہے میں آکر عمارتوں کو نہ جلائیں ، نہ ہی آپس میں لڑیں.