ابھیجیت نے شاہ رخ خان کیلئے بطور پلے بیک گلوکاری نہ کرنے کی وجہ بتادی
![ابھیجیت نے شاہ رخ خان کیلئے بطور پلے بیک گلوکاری نہ کرنے کی وجہ بتادی #Baaghi](https://baaghitv.com/wp-content/uploads/2021/06/ابھیجیت-نے-شاہ-رخ-خان-کیلئے-بطور-پلے-بیک-گلوکاری-نہ-کرنے-کی-وجہ-بتادی.jpg)
بالی ووڈ کے معروف گلوکار ابھیجیت بھٹاچاریا نے بالی ووڈ کنگ شاہ رخ خان کے لیے بطور پلے بیک گلوکاری نہ کرنے کی وجہ بتادی۔
باغی ٹی وی : بالی ووڈ کنگ شاہ رخ خان کی زیادہ تر فلمز میں رومانوی گانے بھی ابھیجیت نے ہی گائے جس نے فلم کی کامیابی میں اہم کردار ادا کیا –
بھارتی میڈیا کے مطابق شاہ رخ اور ابھیجیت نے بالی ووڈ میں 30 سے زائد گانوں میں ساتھ کام کیا اور زیادہ تر فلموں میں ان کی جوڑی کامیاب رہی ہے۔ لیکن 2007 میں فلم ’اوم شانتی اوم‘ میں پلے بیک سنگر کے طور پر فرائض انجام دینے والے ابھیجیت نے اچانک شاہ رخ خان کے لیے گانے سے انکار کردیا-
ابھیجیت بھٹاچاریا نے ایسا کیوں کیا اس کی وجہ اس وقت تو سامنے نہیں آسکی تاہم اب 14 سالبعد گلوکار نے اس راز سے پردہ اٹھادیا ہے حال ہی میں انڈیا ڈاٹ کام کے ساتھ ایک خصوصی فیس بک لائیو سیشن میں گلوکار نے کہا کہ مجھے شاہ رخ خان سے کوئی مسئلہ نہیں تاہم میں نے ایسا کچھ ہدایت کاروں کی وجہ سے کیا تھا-
اکشے کمار کی فلم ’پرتھوی راج‘ ریلیز سے قبل ہی تنازع کا شکار
ابھیجت کا کہنا تھا کہ کچھ افراد مجھے اور شاہ رخ خان کو ساتھ نہیں دیکھنا چاہتے تھے انہوں نے کہا کہ میں اب بھی شاہ رخ خان کے لیے گانا چاہتا ہوں تاہم مجھے نہیں پتہ کہ اب میری آواز شاہ رخ پر کیسی لگے گی کیوں کہ یہ ایک معجزہ ہے کہ میری آواز جیسے پہلے تھی آج بھی ویسے ہی ہے۔
ابھیجیت بھٹاچاریا نے کہا کہ جب میں ملک سے باہر پرفارم کرتا ہوں تو بہت سے لوگوں کو لگتا ہے کہ میں شاہ رخ خان کی آواز میں گانا گارہا ہوں کیوںکہ وہ نہیں جانتے کہ فلم میں پلے بیک گلوکاری ہوتی ہے اور یہ میری آواز ہے۔
انہوں نے کہا کہ میں نہیں جانتا کہ یہ میرے اور اس کے مابین کس نے پیدا کیا ہے۔ کچھ میوزک ڈائریکٹر تھے جن کا ہمیں الگ کرنے کا یہ ایجنڈا تھا۔ کچھ ایسے ہی سوچتے تھے کہ ‘اگر ہمیں کسی دن ایس آر کے فلم مل جائے تو ہم ابھیجیت کو اس کے لئے پلے بیک نہیں کرنے دیتے۔ یہی ان کی خواہش تھی۔ میں آج انھیں جانتا ہوں اور وہ میرے دوست ہیں کیونکہ اسی طرح آپ انڈسٹری میں رہتے ہیں۔
واضح رہے کہ گلوکار ابھیجیت بھٹا چاریا کا شمار ان چند گلوکاروں میں ہوتا ہے جنہوں نے اپنی آواز کے جادو سے بھارتی فلموں کے رومانوی گیتوں کو حقیقت سے مزید قریب کردیا ان کی مدھر آواز میں مداح بھی ایسے کھوئے کہ وہ فلم میں ابھیجیت کی گانے کی آواز کو ہی فلم کے ہیرو کی آواز سمجھ بیٹھے۔