عابد باکسر پر تشدد کی ویڈیو وائرل

سابق پولیس انسپکٹر عابد باکسر کی لاہور میں گرفتاری کی ویڈیو سامنے آئی ہے جس میں دیکھا جا سکتا ہے کہ عابد باکسر پر تشدد کیا جا رہا ہے

عابد باکسر کو گزشتہ ماہ انکے گھر سے گرفتار کیا گیا تھا، گرفتاری کے بعد پولیس کی جانب سے کہا گیا تھا کہ عابد باکسر فرار ہو گئے، بعد ازاں پولیس نے انہیں قصور سے گرفتار کر کے عدالت پیش کیا، عدالت نے عابد باکسر کو جوڈیشل ریمانڈ پر بھیج دیا تھا،اب عابد باکسر کی ایک ویڈیو سامنے آئی ہے جس میں کچھ افراد عابد باکسر پر بہیمانہ تشدد کر رہے ہیں،ویڈیو کب کی ہے اور کون تشدد کر رہا ہے اس بارے کچھ معلومات سامنے نہیں آ سکیں

دوسری جانب انسداد دہشت گردی عدالت لاہور ،پولیس حراست سے فرار ہونے اور سرکاری اسلحہ چھیننے کا مقدمہ ،عدالت نے سابق پولیس انسپکٹر عابد باکسر کی درخواست ضمانت منظور کرلی ،عدالت نے عابد باکسر کی ضمانت ایک لاکھ روپے مچکوں کے عوض منظور کی ،انسدادِ دہشت گردی عدالت کے جج ارشد جاوید نے عابد باکسر کی ضمانت منظور کی،ملزم عابد باکسر کے خلاف تھانہ فیصل ٹاؤن پولیس نے مقدمہ درج کررکھا ہے،عابد باکسر کی جانب سے سابق سیکرٹری لاہور بار مقصود کھوکھر عدالت پیش ہوئے

قانون کی بجائے اپنے آقاؤں کی چاپلوسی کرنے والے زرا عابد بوکسر سے عبرت حاصل کریں اور اپنے مستقبل کا سوچیں۔۔۔ pic.twitter.com/rmud8lNQf5

— Wasim Akram (@PatrioticWsi) November 1, 2023

واضح رہے کہ عابد باکسر پر بھتہ،اغوا اور دھمکیاں دینے کے مقدمات درج ہیں۔