بغدادی کو امریکہ نے مارا، نہیں خودکشی متضاد بیانات، اسامہ بن لادن سے ملتی جلتی کہانی
ادلب :ابوبکرالبغدادی کی موت کے بارے میںامریکہ متضاد بیانات دے کر اپنے ہی دعوے کی حقیقت کو خود ہی جھٹلا رہا ہے ، پہلے کہا گیا تھا کہ امریکہ نے فوجی کارروائی کرکے البغدادی کو ہلاک کیا پھر کہا جارہا ہے کہ آپریشن کسے پہلے معلوم ہونے پر البغدادی نے اپنے آپ کو خودکش دھماکے کے ذریعے اڑا لیا اور اب ایک نئی تھیوری سامنے آگئی ہے کہ ادلب کے مضافات میں امریکی فوج کے آپریشن کے دوران داعش سربراہ کی دو بیگمات نے خود کو دھماکے سے اڑا لیا
تفصیلات کے مطابق ادلب میں کارروائی میں داعش کے سربراہ ابوبکر البغدادی کی ہلاکت سے متعلق امریکی حکام کے یکے بعد دیگرے بیانات کے بعد جریدے نے امریکی فوج اور وزارت خارجہ کے باخبر ذرائع کے حوالے سے بتایا کہ شمالی مغربی شام کے علاقے ادلب کے مضافات میں امریکی فوج کے آپریشن کے دوران داعش کے سربراہ کی دو بیگمات نے خود کو دھماکے سے آڑا لیا۔
امریکی ٹی وی نیٹ ورکس نے اتوار ہی کے روز بتایا تھا کہ شام اور عراق میں ہزاروں افراد کو دھمکانے اور بعد ازاں اپنی سطوت کھو جانے کے بعد داعش کے سربراہ ابوبکر البغدادی ادلب میں کئے جانے والے امریکی فوجی آپریشن میں ہلاک ہوگئے۔امریکی ذرائع ابلاغ میں متعدد سرکاری حکام کے حوالے بتایا جا رہا ہے کہ اپنے ٹھکانے پر امریکی ٹاسل فورس کے حملے کے بعد ابوبکر البغدادی نے خود ہی اپنی کمر سے بندھی دھماکا خیز جیکٹ کو اڑا لیا۔
امریکہ کی طرف سے تازہ ترین بیان سے ایک بات تو ثابت ہوگئی ہے کہ اگر یہ سچ ہے کہ ابوبکر البغدادی نے امریکی فوج کے آپریشن سے پہلے اپنے آپ کو خودکش دھماکے سے اڑا لیا ہے تو یاد رکھیئے کہ ایبٹ آباد میں بھی بالکل ایسے ہی ہوا تھا ، اسامہ بن لادن نے امریکی فوجیوں کی آمد کی اطلاع پاکر ان کے پہنچنے سے پہلے ہی اپنے آپ کو خود کش دھماکے اڑا لیا تھا ،
