ریاض:تیزرفتاری خطرہ جان، سعودی عرب میں ہائی وے پر دو گاڑیوں میں تیز رفتاری کے باعث ہونے والے تصادم کی ویڈیو سوشل میڈیا پر وائرل ہوگئی۔
سعودی میڈیا کے مطابق جزان ہائی وے پر حادثہ صبح 10:25 پر پیش آیا، عینی شاہدین کے مطابق ایک زخمی کے علاوہ تین دوسرے زخمیوں کو ریسکیو اداروں نے اسپتال منتقل کیا گیا۔
دوسری طرف سعودی شہری کی جانب سے سوشل میڈیا پر ویڈیومیں دیکھا جاسکتا ہے کہ جزان ہائی وے پر پک اپ ٹرک جارہا ہے کہ کار تیزی سے آتے ہوئے پک اپ ترک سے ٹکراتی اور ٹرک رانگ وے پر جاکر دوسری گاڑیوں سے ٹکرا جاتا ہے۔
https://www.instagram.com/p/B0grkaxHMwf/?utm_source=ig_embed&utm_campaign=embed_video_watch_again
اس حادثے کی خبر کے بعد سعودی میڈیا رپورٹس کے مطابق ریسکیو اہلکاروں اور پولیس اہلکاروں نے جائے وقوعہ کا دورہ کیا اور زخمی شخص کو اسپتال منتقل کیا جہاں ان کی حالت خطرے سے باہر بتائی جارہی ہے۔
یاد رہے کہ اس سے قبل سعودی عرب میں خواتین کو ڈرائیونگ کی اجازت ملنے کے بعد سے حادثات رونما ہوئے تھے ایک حادثے میں خواتین موقع پر ہی جاں بحق ہوگئی تھیں۔
