ڈیرہ غازیخان۔اقدام قتل کا ملزم گرفتار،مقدمہ درج

ڈیرہ غازیخان،باغی ٹی وی(نامہ نگار)پولیس تھانہ صدر ڈیرہ کی کاروائی، اقدام قتل کا ملزم گرفتار،مقدمہ درج، مزید تفتیش شروع۔
تفصیلات کے مطابق علاقہ تھانہ صدر ڈیرہ کی حدود میں ملزم منظور ولد ایوب نے سابقہ رنجش پر مسمی محمد ابراہیم کو فائرنگ کر کے زخمی کر دیا اور خود موقعہ سے فرار ہو گیا اطلاع پر پولیس تھانہ صدر ڈیرہ نے کاروائی کرتے ہوئے فوری طور پر مسمی محمد ابراہیم کی مدعیت میں مقدمہ درج کر کے ملزم کی گرفتاری کے لیے خصوصی ٹیم تشکیل دی گئی۔خصوصی ٹیم نے جدید طریقوں سے سراغ لگاتے ہوئے ملزم منظور ولد ایوب قوم جلاآنی کھلول سکنہ کوٹ ہیبت کو گرفتار کر کے ملزم کے خلاف مزید قانونی کاروائی شروع کر دی گئی ہے۔اس موقعہ پر ایس ایچ او تھانہ صدر ڈیرہ افتخار قریشی کا کہنا تھا کہ اے ایس پی سٹی سرکل ایاز خان کی ہدایت پر علاقے میں امن و امان قائم رکھنا میری اولین ترجیح ہے