ایوان کا ماحول خراب کرنے والوں کے خلاف کارروائی کی جائے گی، اسد قیصر

اسپیکر قومی اسمبلی اسد قیصر کا 23 فروری کو قومی اسمبلی کے اجلاس کے دوران پیش آنے والے ناخوشگوار واقعہ کا نوٹس۔اسپیکر قومی اسمبلی کی ہدایت پر پی ٹی آئی کے رکن قومی اسمبلی فہیم خان کو لیٹر جاری کر دیا ہے۔ 23 فروری کو قومی اسمبلی کے اجلاس میں فہیم خان کی طرف سے بدمزگی کے واقعہ پر لیٹر جاری کیا گیا۔
رکن قومی اسمبلی کو اسمبلی کے قواعد و ضوابط کے قاعدہ 21 کے تحت لیٹر جاری کیا گیا ہے۔
اسپیکر اسد قیصرکا کہنا ہے کہ ایوان کے تقدس کو کسی صورت پامال نہیں ہونے دیا جائے گا۔ایوان کا ماحول خراب کرنے والوں کے خلاف کارروائی کی جائے گی۔قطع نظر کہ ممبران کا تعلق حزب اقتدار سے ہے یا حزب اختلاف سے،اجلاس میں بدمزگی پیدا کرنے والے ممبران کے خلاف کاروائی ہر صورت عمل میں لائی جاے گی۔