اداکاری میں سونیا حسین کا کوئی مقابلہ نہیں یاسر حسین

پاکستان شوبز انڈسٹری کے معروف اداکار یاسر حسین نے اداکارہ سونیا حسین کی جاندار اداکاری پر ان کی تعریفوں کے پُل باندھ دیئے کہا اداکاری میں سونیا حسین کا کوئی مقابلہ نہیں

باغی ٹی وی : اداکار یاسر حسین نے اداکارہ سونیا حسین کی جاندار اداکاری پر ان کی تعریفوں کے پُل باندھ دیئے سماجی رابطے کی ویب سائٹ انسٹاگرام پر یاسر حسین نے سونیا کے ساتھ اپنی ایک تصویر شیئر کی اور ان کی اداکاری کو سراہتے ہوئے کیپشن میں لکھا کہ بحیثیت ایک دوست میں آپ کی اہلیت کا اندازہ لگا سکتا ہوں اور اب تک میں نے آپ کو ہر جگہ عمدہ پایا ہے
https://www.instagram.com/p/B9AReSxjIfN/?igshid=9bqe1kogx6xk
یاسر حسین نے لکھا کہ اداکار ی میں تو آپ استاد ہیں چاہے مزاحیہ کردار ہوں یا انتہائی سنجیدہ آپ کی اداکاری کا کوئی مقابلہ نہیں اور آپ ملک کی بہترین اداکاراؤں میں سے ایک ہیں اسی طرح ترقی کرتی رہیں

واضح رہے کہ گذشتہ دنوں ڈرامہ نگار خلیل الرحمان قمر نے اداکارہ سونیا حسین کے متعلق کہا تھا کہ وہ اتنی قابل نہیں کہ ان کے لکھے ہوئے کردار ادا کرسکیں اس سے پہلے اداکارہ سونیا حسین نے ایک شو میں انکشاف کیا تھا کہ میرے پاس تم ہو میں مہوش کے کردار کی پیشکش پہلے انہیں ہوئی تھی جس کے لئے انہوں نے انکار کر دیا تھا