عدالت نے سوشل میڈیا پر سلمان خان کے خلاف مواد شئیر کرنے پر پابندی لگا دی

ممبئی: مقامی عدالت نے خود ساختہ فلمی ناقد کمال آر خان کوبالی ووڈ اداکار سلمان خان کے خلاف سوشل میڈیا پر کسی بھی قسم کی توہین آمیزپوسٹ یا ویڈیو اپ لوڈ کرنے پر پابندی لگا دی ہے۔

باغی ٹی وی : بھارتی میڈیا رپورٹس کے مطابق ممبئی کی دیوانی عدالت کے جج سی وی مراٹھے نے اداکار کمال خان کے خلاف اداکار سلمان خان کے ذریعہ دائرکردہ ہتک عزت کے مقدمے میں عبوری حکم جاری کیا ہے۔

اداکار سلمان خان اور ان کی کمپنیوں نے کمال خان کے ذریعہ سلمان خان کے خلاف توہین آمیزٹویٹ اور ویڈیو کے لئے مقدمہ دائر کیا تھا۔ مقدمہ میں دعویٰ کیا گیا ہے کہ توہین آمیز تبصروں کے علاوہ اداکار کمال خان نے اداکارسلمان خان کےرجسٹرڈ ٹریڈ مارک’بیئنگ ہیومن‘پرفریب دہی، ہیرپھیر اور منی لانڈرنگ میں شامل ہونے کا بھی الزام لگایا ہے۔

سلمان خان ہتک عزت معاملہ: کمال آر خان نے یوٹرن لے لیا

عدالت نےگزشتہ بدھ کو کمال خان اور ان کے ایجنٹوں کو سلمان خان اور ان کے کاروبار جن میں موجودہ یا مستقبل کے پروجیکٹس جس میں ’رادھے‘ شامل ہے کے تعلق سے براہ راست یا بالواسطہ طور سے ویڈیو بنانے اور اپ لوڈ کرنے، پوسٹ کرنے، دوبارہ پوسٹ کرنے، ٹویٹ کرنے ری ٹویٹ کرنے، انٹرویو دینے، متعلقہ، مواصلات، اپ لوڈ کرنے، پرنٹ کرنے، شائع کرنے، اور دوبار سے شائع کرنے سے روک لگا دی ہے یہ پابندی مقدمہ کی حتمی فیصلے تک جاری رہے گی۔

سلمان خان مجھے پسند نہیں وہ خراب اداکار ہیں کرینہ کپور

عدالت نے اپنے حکم میں کہا کہ کسی شخص کی شناخت اس کے نام سے ہوتی ہے اور اچھا نام کسی دولت سےبہتر ہوتا ہے۔عدالت نے کیس کو اگلی سماعت تک ملتوی کردیا ہے۔