راکھی ساونت جو اپنی والدہ کی بیماری کے دوران کہتی رہیں کہ میں شدید مسائل کا شکارہوں وقت آنے پر بتائوں گی، انہوںنے کہا ہے کہ میری والدہ کا جس روز انتقال ہوا اس روز میرا شوہر اپنی گرل فرینڈ تنو کے ساتھ ہوٹل میں تھا. میں گھر گئی تو اسکو بلایا اور کہا کہ میری ماں انتقال کر گئی ہے اور تم اس لڑکی کے ساتھ گل چھرے اڑا رہے ہو.تو اس نے مجھ سے بحث کرنا شروع کر دی . میں نے کہا کہ تم نے تو قرآن مجید پر ہاتھ رکھ کر کہا تھا اس لڑکی سے نہیں ملو گے، اور تم نے اپنی قسم کا مان نہیں رکھا پاک کتاب کا مان نہیں رکھا. انہوں نے کہا کہ میں عادل کے لئے مسلمان ہوئی اور وہ تنو کے لئے ہندو ہوگیا. اگر مسلمان ہی اپنی پاک کتاب پر ہاتھ رکھ کر وعدہ کرکے توڑیں گے تو پھر ہم کافروں سے کیا شکایت.
راکھی نے تنو کی تصاویر جاری کیں اور اسکی راکھی کو کی گئیں کالز کی ریکارڈنگ بھی میڈیا کے ساتھ شئیر کیں جس میں وہ لڑکی صاف کہتی ہوئی سنی جا سکتی ہے کہ تم عادل کو چھوڑدو کیونکہ وہ مجھ سے محبت کرتا ہے اور راکھی تمہیں کیوں سمجھ نہیں آرہی کہ عادل کو تم میں دلچپسی نہیں ہے. راکھی جب میڈیا سے بات کررہی تھیں تو رو رہیں تھیں کہ میں بیوی ہوں اور مجھے اپنی گرل فرینڈ سے میرا شوہر زلیل کروا رہا ہے.
