راکھی مجھ سے قانونی جنگ لڑے سڑکوں پر تماشا کرنا بند کرے عادل درانی

بالی و ڈ کی ڈرامہ کوئین کہلائی جانے والی راکھی ساونت کے شوہر عادل خان درانی نے میڈیا سے گفتگو کرتے ہوئے کہا ہے کہ میں راکھی ساونت سے قانونی جنگ لڑنا چاہتا ہوں جبکہ یہ چاہتی ہے کہ ہم سڑکوں پر اور میڈیا کے سامنے ہی یہ جنگ لڑتے رہیں۔ مجھے سمجھ نہیں آرہی کہ یہ کیوں ایسا کررہی ہے۔ شہرت کے لئے یہ کچھ بھی کرنے کو تیار ہوجاتی ہے۔ اس نے ہمارے رشتے کو پہلے مذاق بنایا اس کے بعد یہ اپنی عزت بھی ختم کرنے پر تل گئی ہے جو کہ ختم ہو چکی ہے اگر یہ سمجھے تو۔ عادل خان درانی نے کہا کہ میں نے جو کچھ بھی راکھی کے متعلق کہا ہے وہ سب سچ ہے اس میں سے کچھ بھی جھوٹ نہیں ہے میں سب کچھ عدالت میں ثابت بھی کروں گا۔

عادل نے کہا کہ ”یہ اتنی بھولی تو ہے نہیں کہ ہر بار ہر کوئی اس کے پیسے لوٹ کر اسکو بے وقوف بنا کر چلا جائے،” میں پہلے دن سے کہتا آ رہا ہوں کہ راکھی ڈرامے باز ہے اور ڈرامے کرتی ہے اب تو عوام کو بھی سمجھ آ چکی ہے کہ راکھی ایک ڈرامے باز عورت ہے جو عورت اپنے گھر کو خود توڑے شوہر کو رسوا کرے اس سے کچھ بھی توقع کی جا سکتی ہے۔

زندگی کے پہلے آڈیشن میں فیل ہو گئی تھی اقراء عزیز

آپریشن کے بعد بھی چند تھیٹرز میں فحاشی جاری ہے گوشی خان

سعودی عرب کی تاریخ میں پہلی مرتبہ سینما ایونٹ کا انعقاد