یوٹیوبر عادل راجہ اور حیدر مہدی غدار وطن ہے، شیر افضل مروت

تحریک انصاف کے رہنما شیر افضل مروت نےیوٹیوبر عادل راجہ اور حیدر مہدی کو غدار وطن قرار دیدیا۔شیر افضل مروت نے کہاکہ تحریک انصاف محب وطن جماعت ہے اور ہماری اداروں کے ساتھ کوئی لڑائی نہیں۔ 9 مئی کے بعد ہم پر ریاست مخالف ہونے کا الزام لگایا گیا۔انہوں نے کہاکہ عادل راجا اور حیدر مہدی جیسے لوگ بھگوڑے ہیں۔ عادل راجا تو بدنام قبضہ مافیا تھا۔ یہ یوٹیوبر بننے سے قبل ٹیکسی چلاتا تھا۔ ایسے لوگ پی ٹی آئی کے نوجوانوں کو ورغلا رہے ہیں۔انہوں نے کہاکہ تحریک انصاف کے کارکنان ان لوگوں کے چینلز نہ دیکھیں کیونکہ اسی سے تو ان کی کمائی ہو رہی ہے۔ ہم اپنی جدوجہد آئین اور قانون کے مطابق جاری رکھیں گے۔

شیر افضل مروت نے کہاکہ پی ٹی آئی کے خلاف بدگمانی عادل راجا اور حیدری کی وجہ سے پیدا ہو رہی ہے، لہٰذا ان رانگ نمبرز کے چہرے قوم کے سامنے لانے کی ضرورت ہے۔ایک صحافی کے سوال کے جواب میں انہوں نے کہا کہ عادل راجہ اورحیدرمہدی غدار وطن ہیں ،دونوں مسلسل پاکستان تحریک انصاف کا پلیٹ فارم استعمال کرنے کی کوشش کررہےہیں،ہماری نوجوانوں کو ورغلارہےہیں، ان کی وجہ سے پاکستان تحریک انصاف کی طرف انگلی اٹھتی ہے، لہذاببانگ دہل اعلان کرتا ہوں کہ یہ لوگ غدار وطن اور پاکستان دشمن ہیں۔