افغان امن معاہدہ پر دستخط سے قبل وزیراعظم نے کس ملک کے دورے کا اعلان کر دیا
وزیراعظم عمران خان ایک روزہ دورے پر قطر جائیں گے، وزیراعظم کے ہمراہ وزیر خارجہ شاہ محمود قریشی اور زلفی بخاری ہوں گے
وزیراعظم عمران خان کی امیر قطر سے اہم ملاقات ہو گی،توانائی کے شعبوں اور افرادی قوت کے حوالہ سے بھی بات چیت ہو گی ،قطر کے ولی عہد سے وزیراعظم عمران خان افغان امن معاہدے کے حوالہ سے بھی بات چیت کریں گے
واضح رہے کہ گزشتہ روز قطر نے پاکستان کوامریکا طالبان معاہدے کی تقریب میں شرکت کی دعوت دے دی ہے ،قطری سفیرنے 29 فروری کی تقریب میں شاہ محمود قریشی کوشرکت کی دعوت دی،دعوت قطری ڈپٹی وزیراعظم اور وزیرخارجہ کی جانب سے دی گئی، قطری سفیر نے وزیر خارجہ شاہ محمود قریشی کو خصوصی دعوت نامہ پیش کیا
امریکہ طالبان کے درمیان معاہدے پر دستخط کے دوران پاکستان موجود ہو گا یا نہیں؟ قریشی نے بتا دیا
وزیر خارجہ شاہ محمود قریشی نے کہا کہ پاکستان، امریکا طالبان معاہدے سے متعلق اعلان کا خیر مقدم کرتا ہے،پاکستان کا ہمیشہ سے موقف رہا ہے افغان تنازع کا کوئی فوجی حل نہیں ہے،افغان مفاہمتی عمل آگے بڑھانے میں پاکستان اور قطر کا کلیدی کردار ہے،آج دنیا پاکستان کا موقف تسلیم کر رہی ہے،امید ہے امن معاہدے پر دستخط بین الافغان مذاکرات کی طرف لے جائیں گے
واضح رہے کہ امریکا اور افغان طالبان کے مابین کیے گئے معاہدہ پر 29 فروری کو دستخط کیئے جائیں گے..معاہدے کی تقریب قطر میں ہوگی،امریکا کے صدر ڈونلڈ ٹرمپ نے طالبان کے ساتھ معاہدے پر دستخط کرنے کا عندیہ دے دیا ہے۔ امریکی صدر نے کہا کہ ایک مرتبہ تشدد میں کمی کا معاہدہ کسی نتیجے پر پہنچ جائے تو میں معاہدے پر دستخط کردوں گا۔
