افغان سرزمین پاکستان کے خلاف استعمال نہیں ہوگی:اس کی یقین دہانی کروا دی گئی:شیخ رشید

اسلام آباد : افغان سرزمین پاکستان کے خلاف استعمال نہیں ہوگی:1122 کواسلام آباد میں لارہےہیں:،اطلاعات کے مطابق وفاقی وزیر داخلہ شیخ رشید نے کہا کہ افغانستان کی صورتحال پر توجہ مرکوز کیے ہوئے ہیں، افغانستان میں امن و استحکام کے لیے دعاگو ہیں،

افغانستان کی تازہ ترین صورت حال سے متعلق پریس کانفرنس کرتے ہوئے شیخ رشید کا کہنا تھا کہ افغان کرکٹ ٹیم کو بھی ویزے جاری کر دیئے گئے ہیں۔ انہوں نے وزارت داخلہ اسلام آباد میں پریس بریفنگ کے دوران کہا کہ افغان طالبان نے یقین دلایا کہ افغانستان کی سرزمین پاکستان کے خلاف استعمال نہیں ہوگی،

اس موقع پر شیخ رشید کہنا تھا کہ افغان مہاجرین کے حوالے سے کوئی فیصلہ نہیں کیا، پاک افغان سرحد پر موجود افغان شہریوں کو سہولیات فراہم کررہے ہیں، لوگوں کو کابل ائیر پورٹ تک لانے کی ذمہ داری پاکستان کی نہیں، چمن پر باب دوستی اور طورخم سرحدیں کھلی ہیں، اب تک ہم نے افغانستان سے آنے والے ایک ہزار 277 غیر ملکیوں کوامیگریشن سہولت دی ہے اور 4 ہزار لوگوں کو ویزے جاری کیے ہیں۔

پاکستان آنے والوں میں امریکی بھی شامل ہیں۔ وفاقی وزیر داخلہ شیخ رشید نے کہا کہ سی پیک کیخلاف عالمی سازشیں ہو رہی ہیں، بھارت سی پیک میں کامیابی نہیں چاہتا، سی پیک کمپنیوں کو پاک فوج سکیورٹی فراہم کر رہی ہے۔ انہوں نے کہا کہ طورخم بارڈر پر لوگوں کو لا رہے ہیں۔ افغانستان کے موجودہ حالات کی وجہ سے سی پیک مزید اہم ہوگیا ہے، بھارت سی پیک میں کامیابی نہیں چاہتا۔

پچھلے ایک ماہ میں جو واقعات ہو رہے ہیں اس سے واضح ہو رہا ہے کہ سی پیک کو ناکام بنانے کی کوشش کی جا رہی ہے لیکن ہم ہر صورت سی پیک مکمل کریں گے، چینی شہریوں پر حملوں کے واقعات کے 4 کیسوں میں کچھ ملزموں کو گرفتار کرلیا ہے۔ 40 چینی کمپنیوں کو پاک فوج کی سکیورٹی دی گئی ہے، چینی سفیر کو باور کروایا کہ چینی شہریوں کو مکمل سکیورٹی دی جائے گی۔