افغانستان کے مختلف صوبوں میں شدید جھڑپیں،اگر مدد نہ ملی تو ہلمند شہر حکومت کے کنٹرول سے باہر ہو جائے گا حکام

کابل: افغانستان کے مختلف صوبوں میں شدید جھڑپیں جاری ہیں ،غزنی میں طالبان نے داڑھی تراشنے اور اسمارٹ فون کے استعمال سے منع کر دیا ہے مقامی میڈیا –

باغی ٹی وی : غیر ملکی میڈیا کے مطابق افغان حکومتی حکام نے کہا ہے کہ اگر مدد نہ ملی تو ہلمند شہر حکومت کے کنٹرول سے باہر ہو جائے گا جبکہ جھڑپوں نے ہرات کے مغربی علاقوں میں شدت اختیار کر لی ہے۔

دوسری طرف افغانستان کے صدر اشرف غنی نے کہا ہے کہ جنگی حالات میں تبدیلی کی ضرورت ہے اور طالبان امن کے لیے بات کریں۔

افغان طالبان کا قندھار ایئرپورٹ پر راکٹ حملہ:بڑے پیمانے پرتباہی کی اطلاعات

واضح رہے کہ گزشتہ روزطالبان افغانستان کے تین بڑے شہروں میں داخل ہو گئے تھے۔

میڈیا رپورٹس کے مطابق افغانستان کے تین بڑے شہروں میں طالبان کے حملے جاری ہیں اور طالبان افغانستان کے تین بڑے شہر ہرات، لشکر گاہ اور قندھار میں داخل ہو چکے ہیں افغان اسپیشل فورسز کے دستے لشکر گاہ کی جانب بھیجے جا رہے ہیں۔

کابل: طالبان افغانستان کے تین بڑے شہروں میں داخل ہو گئے

گزشتہ روز افغان صدر اشرف غنی نے طالبان کو امن اور ترقی کی راہ میں رکاوٹ قرار دے دیا تھا۔ افغان صدر نے کابینہ کے پہلے ڈیجیٹل اجلاس سے خطاب کرتے ہوئے کہا تھا کہ طالبان ہمارے مستقبل کو ماضی جیسا بنانا چاہتے ہیں اور طالبان کی طرف سے جنگ بندی تک انہیں امن عمل میں شامل نہیں کریں گے۔

پاکستانی رواں سال بھی عمرہ کی سعادت حاصل نہیں کر سکیں گے، سعودی حکومت کا فیصلہ