افغانستان کی حالیہ صورتحال پر سعودی عرب نے اپنا بیان جاری کر دیا

سعودی عرب نے طالبان سمیت تمام افغان فریقین پر زور دیا ہے کہ امن و استحکام کے لیے مل کر ‏کام کریں۔

باغی ٹی وی : اشرف غنی کے ملک سے فرار اور کابل پر طالبان کے کنٹرول سے پیدا شدہ صورتحال اور رونما ہونے ‏والے واقعات پر سعودی عرب کا بیان سامنے آیا ہے-

سعودی عرب نے اپنے بیان میں واضح کیا ہے کہ افغانستان کی صورتحال پرنظرہے اور جلد بہتری کی امید ہے اللہ ‏کےفرمان کےمطابق تمام مومنین بھائی بھائی ہیں، امید ہے طالبان اور دیگر طبقات مل کر امن ‏کیلئےکام کریں گے۔

ریاض حکومت نے افغان عوام کو بھرپور تعاون کی یقین دہانی کرواتے ہوئے کہا ہے کہ سعودی ‏عرب افغان عوام کے کسی بیرونی مداخلت کے بغیر انتخاب کے ساتھ کھڑا ہے۔

بیان میں کہا گیا ہے کہ افغان عوام جو راستہ کسی بھی مداخلت کے بغیر اپنے طور پر منتخب ‏کریں گے تو سعودی عرب کو اپنا حامی پائیں گے۔