پشاور: خیبرپختونخوا کے وزیراعلیٰ علی امین گنڈاپور نے کہا ہے کہ ہم نے ریونیو میں 49 فیصد اضافہ کیا، ریونیو میں49 فیصد اضافےکا مطلب ہےکہ گورننس اچھی ہے-
باغی ٹی وی: پشاور میں صحافیوں سے غیررسمی گفتگو میں علی امین گنڈاپور کا کہنا تھاکہ ہمارے آنے سے پہلےامن وامان کی صورتحال خراب تھی، بقایاجات کا انبار کھڑا ہوگیا تھا،ہم نے ریونیو میں 49 فیصد اضافہ کیا، ریونیو میں49 فیصد اضافےکا مطلب ہےکہ گورننس اچھی ہے، صحت کارڈ بند تھا، 20 ارب روپے کے بقایاجات تھے لیکن ہم نےصحت کارڈ دوبارہ شروع کیا، اپنی ٹرانسمیشن لائن شرو ع کردی، 600 میگاواٹ بجلی دیں گے، ٹرانسمیشن لا ئن کا 150 ارب روپے کا منصوبہ ہے، ایک سال میں 8 لاکھ کنال بنجرزمین کو سیراب کیا، 40 ارب روپے کی لاگت سے سولر اسکیم شروع کی۔
شہہ رگ کشمیر کے ساتھ ایک دن کی یکجہتی کافی؟تحریر: جان محمد رمضان
وزیراعلیٰ کا کہناتھاکہ پنجاب کا بجٹ خسارہ 146 ارب روپے ہے، ہمارا سرپلس ہے، ایسے میں ہم کرپشن کیسے کررہےہیں؟ وفاق کے ذمے ہمارے 2 ہزار ارب روپے سےزیادہ کےبقایاجات ہیں، انضمام کے باوجود ہمارا این ایف سی میں حصہ نہیں بڑھایاگیا، اپیکس کمیٹی میں این ایف سی میں ہمارے حصے پر نظر ثانی کاکہا، میں نے کہا کہ اس کےخلاف سپریم کورٹ جاؤں گا اگلے اجلاس میں این ایف سی کو ایجنڈے میں رکھنے کا مطالبہ کیا، ایک ماہ کے اندر مسئلہ حل نہ کیا گیا توسپریم کورٹ جاؤں گا۔
دوسری چیف آف آرمی سٹاف نیشنل انٹر کلب ہاکی چیمپیئن شپ 2025 کی افتتاحی تقریب
علی امین گنڈا پور کا کہنا تھاکہ بانی پی ٹی آئی جیل میں ہیں، بدقسمتی سےان سے میری زیادہ بات نہیں ہوسکتی، پنجاب میں پی ٹی آئی کے ایم این ایز کے گھروں پر چھاپے مارے جا رہے ہیں، بانی پی ٹی آئی پر بھی جھوٹے مقدمات بنائے جارہے ہیں۔
ان کا کہنا تھاکہ کرپشن روکنے کیلئے قانون کو مزید سخت کررہے ہیں، احتساب کمیٹی کسی وزیرکو بلائے تواس کا مطلب یہ نہیں کہ وزرا کرپٹ ہیں، بانی پی ٹی آئی کا مجھ پر اعتماد ہے تو بطور وزیراعلیٰ یہاں بیٹھاہوا ہوں، میرے گھر پر 156 چھاپے مارے گئے، اتنے چھاپے ملک میں کسی کے گھر پر بھی نہیں مارےگئےصوبے میں اچھا کام ہو رہا ہے، آئی جی ذوالفقارحمید پروفیشنل آفسیرہیں حالانکہ وہ تیسر ے آپشن پرتھے، ذوالفقارحمید نے پنجاب میں دہشتگردی کےدوران عمدہ کام کیا۔
خاتون نے بھینسوں کا گوبر چوری کرنے پر مقدمہ درج کروا دیا
افغانستان کے حوالے سے علی امین گنڈاپور کا کہناتھاکہ افغانستان کی وجہ سے خیبرپختونخوا متاثر ہورہا ہے، میں نے وفاقی حکومت کوسمجھایا کہ افغانستان سےبات چیت کیلئے وفدبھیج رہاہوں، وفاقی حکومت کو اعتماد میں لے کر افغانستان جائیں گے، افغانستان سے بات چیت کیلئے جرگہ بنائیں گے جس میں مختلف اقوام کے نمائندےشامل ہوں گے-
انہوں نے کہا کہ افغانستان میں کئی دہائیوں سے جنگ چل رہی ہے جس سےہم متاثرہورہےہیں، کئی بار بات کی اور آہستہ آہستہ متعلقہ لوگوں کو راضی کرلیا، جلد وفد بھجواؤں گا اورپہلےاس حوالے سے ٹی او آر بنائےجائیں گے، تمام قبائل سے مشران مانگے جائیں گے اور گرینڈ جرگہ تشکیل دیاجائےگا، وفاقی حکومت کی مشاورت سےہی تمام عمل سرانجام دیاجائےگا، وفاقی حکومت مینڈیٹ چوری کرکے بیٹھی ہوئی ہے، مجبوراً سرکاری معاملات میں ان سے رجوع کرنا پڑتا ہے۔
پاکستان اور سعودی عرب کے درمیان 1.61 ارب ڈالر کے 2 معاہدوں پر دستخط
