وزیر خارجہ شاہ محمود قریشی نے کہا ہے کہ امید کرتے ہیں کہ نیا سیٹ اپ پاکستان مخالف کالعدم ٹی ٹی پی کی بیخ کنی اور حوصلہ شکنی کرے گا۔

باغی ٹی وی : نجی ٹی وی چینل کے پروگرام میں سینئیر صحافی شاہ زیب خان زادہ کے ساتھ گفتگو کرتے ہوئے وزیر خارجہ شاہ محمود قریشی نے کہا کہ پاکستان طالبان سمیت افغانستان کے تمام گروہوں سے اچھے تعلقات استوار کرنے کی کوشش کررہا ہے۔

شاہ محمود قریشی کا مزید کہنا تھا کہ افغانستان میں نیا سیٹ اپ کیسا ہو؟ یہ طے کرنا پاکستان کا نہیں افغانوں کا کام ہے۔

وزیر خارجہ کا کہنا تھا کہ افغان قیادت کی آزمائش ہے کہ چھوٹی چھوٹی باتوں کو چھوڑ کر مذاکرات کے ذریعے امن کے بڑے مقصد کو حاصل کرے۔

واضح رہے افغانستان کے مسائل میں پاکستان کے کرادر کو دنیا بھر مین سراہا جا رہا ہے عالمی مالیاتی ادارے (آئی ایم ایف) کی منیجنگ ڈائریکٹرکرسٹیلینا جارجیوا کی جانب سے وزیر اعظم عمران خان کوخط بھیجا گیا تھا جس میں افغانستان میں پاکستان کے کلیدی کردار کو سراہا گیا۔

عالمی مالیاتی ادارہ (آئی ایم ایف) پاکستان کا شُکر گزار

خط میں کرسٹیلینا جارجیوا نے کہا تھا کہ مشکل گھڑی میں افغانستان سے عملے کے بحفاظت انخلا پر پاکستان کے مشکور ہیں خط میں کہا گیا کہ مشکل وقت میں انخلا پر پاکستان کی کوششیں کلیدی اہمیت کی حامل ہیں –

خط میں ایم ڈی آئی ایم ایف نے وزیر اعظم عمران خان اور پاکستانی عوام کے لیے نیک خواہشات کا اظہار کیا اور ایم ڈی آئی ایم ایف نے وزیر خارجہ، وزیر خزانہ، وزیر دفاع اور گورنر اسٹیٹ بینک کے کردار کی بھی تعریف کی۔