افغانستان میں بڑا خودکش حملہ، 8 سکیورٹی اہلکار ہلاک، فائرنگ کا تبادلہ جاری

افغانستان کے صوبے باد غیس کے ہوٹل میں مسلح افراد نے زبردست حملہ کیا ہے جس میں ابتدائی طور پر سیکیورٹی فورسز کے 8 اہلکاروں کے ہلاک اور متعدد کے زخمی ہونے کی بات کی گئی ہے.

باغی ٹی وی کی رپورٹ کےمطابق ترجمان افغان وزارت داخلہ نے کہا ہے کہ 3 خودکش بمباروں نےآج دوپہر میں ایک ہوٹل پر حملہ کیا ہے. حملہ آوروں نے ہوٹل کے قریب پولیس چیک پوائنٹ کو بھی نشانہ بنایا، افغان حکام کا کہنا ہے کہ فورسز کی جوابی کارروائی میں دو خودکش بمبار بھی مارے گئے ہیں.

میڈیا رپورٹس‌ میں کہا گیا ہے کہ ایک خودکش بمبار اورفورسزکے درمیان فائرنگ کا تبادلہ تاحال جاری ہے، حملے میں 8 سیکیورٹی اہلکار ہلاک اور متعدد زخمی ہوئے ہیں.