علی حیدرگیلانی کےبعد ناصرشاہ کی آڈیو:الیکشن کمیشن کی نااہلی کےسبب سینیٹ الیکشن کالعدم بھی ہوسکتے ہیں

کراچی: علی حیدرگیلانی کے بعد ناصرشاہ کی آڈیو:سینیٹ الیکشن کالعدم ہوسکتے ہیں ،اطلاعات کے مطابق صوبائی وزیر اطلاعات ناصر حسین شاہ کی تحریک انصاف کے 4 اراکین اسمبلی کی خرید و فروخت کی مبینہ آڈیو سامنے آ گئی۔

ذرائع کے مطابق سینیٹ الیکشن کے سلسلے میں اراکین اسمبلی کی خرید و فروخت عروج پر ہے، اب ایک آڈیو بھی سامنے آ گئی ہے جس میں علی حیدر گیلانی نے ٹیلی فون پر تحریک انصاف کے اراکین قومی اسمبلی سے وزیر اطلاعات سندھ ناصر حسین شاہ کی بات کروائی۔

تہلکہ خیز آڈیو سے یہ بھی معلوم ہو جاتا ہے کہ پیپلز پارٹی سینیٹ کے لیے ووٹ مانگ رہی ہے یا خرید رہی ہے.آڈیو میں ناصر حسین شاہ تحریک انصاف کے سندھ کے ایک صوبائی پی ٹی آئی رکن سے بات کر رہے ہیں، ناصر شاہ کہہ رہے ہیں بھائیوں کے جتنے بھی کام ہیں سب میرے ذمے ہیں۔

آڈیو میں ایک رکن وزیر اطلاعات سندھ ناصر شاہ سے کہہ رہے ہیں کہ چاروں ارکان سولڈ ہیں، اور خاندانی لوگ ہیں، ناصر شاہ جواب دیتے ہیں کہ بھائیوں کے کام میرے ذمے ہیں۔

دوسری طرف یہ بھی اطلاعات ہیں کہ سپریم کورٹ اس حوالے سے سخت ایکشن لے سکتی ہے اوریہ بھی امکان ہے کہ اگرالیکشن کمیشن نے اس موقع پرسپریم کورٹ کی ہدایات کے مطابق اورعوامی امنگوں کی ترجمانی نہ کی تو ہوسکتا ہے کہ الیکشن کالعدم ہوجائیں اوریہ بھی قوی امکان ہے کہ سپریم کورٹ الیکشن کمیشن تحلیل کرنے کا حکم بھی جاری کردے

اس حوالے سے سوشل میڈیا پرماہرین کا یہ کہنا ہے کہ سپریم کورٹ کے سامنے اب ثبوت آگئے ہیں اوراگراس کے بعد الیکشن کمیشن اس کی روک تھام نہ کرسکا اورایسے شواہد مل گئے کہ پیسہ چل گیا ہے تو سینیٹ الیکشن کالعدم ہونے سے کوئی نہیں روک سکتا