کوئٹہ: کوئٹہ ایک بارپھر زلزلے سے لرز اٹھا ، صوبائی دارالحکومت میں زلزلے کے جھٹکے محسوس کئے گئے، جن کی شدت 2 اعشاریہ 5 ریکارڈ کی گئی۔
زلزلہ پیما مرکز کے مطابق زلزلے کی گہرائی 12 کلو میٹر ریکارڈ ہوئی، جب کہ زلزلے کا مرکز کوئٹہ کے مغرب میں 67 کلومیٹر کے فاصلے پر تھا. زلزلے کے بعد آفٹر شاکس کے کئی جھٹکے محسوس کیے گئے
یاد رہے کہ بلوچستان میں اس سے پہلے بھی کئی زلزلوں کے جھٹکے محسوس کیے گئے تھے جن میں کسی قسم کا جانی نقصان نہیں ہوا ، آج کے زلزلے کے بعد حکام نے سروے شروع کردیا ہے کہ کہاں کہاں نقصان ہوا ہے.
