صحافیوں کی قسمت جاگ اٹھی، حکومت کے حق میں لکھیں اور حاصل کریں نقد 15 ہزار

صحافیوں کی قسمت جاگ اٹھی ،حکومت کے حق میں کالم لکھنے پر پیسے ملیں گے، اخبارات میں اشتہار شائع کروا دیئے گئے

باغی ٹی وی کی رپورٹ کے مطابق بھارت ریاست جھاڑ کھنڈ میں بی جے پی حکومت کے انفارمیشن اینڈ پبلک ریلیشنز ڈپارٹمنٹ نے اخبار میں ایک اشتہار شائع کروایا ہے جس میں کہا گیا ہے کہ اگر آپ صحافی ہیں اور حکومتی منصوبوں کے بارے میں لکھنا چاہتے ہیں تو حکومت لکھنے کے بدلے پیسے دے فی اور کوئی بھی حکومت کی کارکردگی کے حق میں لکھا گیا مضمون جو اخبار میں شائع ہو گا اس کی کاپی انفارمیشن ڈیپارٹ میں جمع کروائیں اور 15 ہزار روپے نقد وصول کریں.

اشتہار میں مزید کہا گیا کہ اس کے لئے صحافی درخواست جمع کروائیں ،حکومت کے حق میں لکھے گئے مضامین کو کتابی شکل بھی دی جائے گی اور جس صحافی کا مضمون کتاب کے لئے منتخب ہو گا اس کو مزید پانچ ہزار روپے دیئے جائیں گے. جھاڑ کھنڈ حکومت نے باقاعدہ اخبار میں اس حوالہ سے اشتہار شائع کروایا ہے.

اشتہار میں مزید کہا گیا کہ صحافیوں کو معاوضہ دینے کے لئے کمیٹی بنائی جائے گی،ٹی وی چینل کے رپورٹر بھی اپنی رپورٹ جمع کروا سکتے ہیں. ان کو بھی فی رپورٹ 15 ہزار کا معاوضہ ملے گا

اخبار میں اشتہار شائع ہونے کے بعد کئی صحافیوں نے درخواستیں جمع کروا دی ہیں.