کراچی کے مختلف مقامات سے اغواء ہونے والی 4 لڑکیاں بازیاب
کراچی میں ڈسٹرکٹ جنوبی پولیس نے طارق روڈ کے علاقے میں کارروائی کرتے ہوئے مختلف مقامات سے اغواء ہونے والی 4 لڑکیوں کو بازیاب کرالیا ہے۔ پولیس حکام کے مطابق پولیس نے کارروائی کرتے ہوئے 16 سالہ مقدس کو ہیومین انٹیلیجنس او مغویہ ماریہ کو ٹیکنیکل ٹیم کی مدد سے بازیاب کروا لیا، جب کہ اغواء ہونے والی ایمان سید کو بھی بازیاب کرا لیا گیا ہے۔
حکام نے بتایا کہ ڈیفنس فیز 7 سے اغوا ہونے والی 22 سالہ لڑکی کو بھی طارق روڈ سے بازیاب کرالیا گیا ہے، لڑکی کے اغوا کا مقدمہ ڈیفنس تھانے میں درج تھا، لڑکی کو سی پی ایل سی کی مدد سے ڈسٹرکٹ ساوتھ پولیس نے طارق روڈ سے بازیاب کرایا۔
مزید یہ بھی پڑھیں؛
سونا ایک بار پھر مہنگا ہونے لگا
سوات مینگورہ لینڈ سلائیڈنگ ،چار بچوں کی دب جانے کی اطلاع
ڈالر 250 روپے کی سطح پر آنے کی پیش گوئی
توماج صالحی کو احتجاجی مظاہرین کی حمایت پر 6 سال قید
وفاقی وزیر کے کزن کی گاڑی پر فائرنگ، دو افراد جاں بحق
پولیس حکام نے بتایا کہ کارروائی کے دوران ملزم قمر شہزاد اور مفرور ملزم نعیم کو گرفتار کرلیا گیا ہے، جب کہ اغوا میں ملوث تیسرا ملزم سعد فرار ہے، جس کی گرفتاری کیلئے چھاپے مارے جا رہے ہیں۔ ادھرر دوسری جانب پولیس نے کچے کے علاقے سے ایس ایچ او کشمور گل محمد اور 2 اہلکاروں سمیت چار مغوی بازیاب کرالئے۔
4 روز قبل ایس ایچ کشمور گل محمد او اور پولیس اہلکاروں کو کشمور سے اغوا کرلیا گیا تھا، تاہم پولیس نے شکارپور کے کچے کے علاقے میں آپریشن کرکے ایس ایچ او کشمور اور 2 اہلکاروں سمیت چار مغوی بازیاب کرالئے ہیں۔
گزشتہ روز پولیس حکام نے پولیس اہلکاروں کی بازیابی کے لئے تیغانی قبیلے کے سربراہ سردار تیغو خان کو گرفتار کرنے کا فیصلہ کیا تھا۔ ایس ایس پی عرفان سموں کا کہنا تھا کہ اہلکاروں کی بازیابی کے لیے پولیس گڑہی تیغو پہنچ گئی ہے، جب کہ گڑہی تیغو کے داخلی اور خارجی راستوں کو سیل کردیا گیا ہے۔ ایس ایس پی عرفان سمو نے کہا تھا کہ یا تو مغویوں کو آزاد کریں یا پھر سردار تیغو کو گرفتار کیا جائے گا