کیا احد رضا میر اور سجل علی پھر سے ایک ہو گئے؟‌

احد رضا میر اور سجل علی جنہوں‌ نے محبت کی شادی کی ، لیکن چند مہینوں کے بعد ہی ان دونوں کے اختلافات کی خبریں سامنے آنا شروع ہو گئیں اور ایک عرصے سے دونوں ایک ساتھ بھی نہیں رہ رہے. ان کی طلاق کی خبریں بھی گردش کرتی رہی ہیں ، لیکن آج تک دونوں نے نہ کبھی تردید کی نہ تصدیق کی، تاہم حال ہی میں دونوں نے ایک شادی کی تقریب میں شرکت کی ، سجل علی کے ساتھ ان کے بھائی تھے اور احد رضا میر کے ساتھ ان کی فیملی تھی ، دونوں فیملیز کی تصاویر انٹرنیٹ پر وائرل ہو رہی ہیں ، اندازہ لگایا جا رہا ہے کہ شاید دونوں کی صلح ہو گئی ہے اور

دونوں ایک ہو گئے ہیں ، لیکن جو لوگ اس تقریب میں موجود تھے انہوں نے محسوس کیا کہ دونوں فیملیز نے ایک دوسرے کے ساتھ سلام دعا بھی نہیں کی اور نہ ہی احد رضا میر اور سجل علی نے ایک دوسرے کے ساتھ بات چیت کی . لیکن سوشل میڈیا پر ایک ہی تقریب میں دونوں خاندانوں کا موجود ہونا بن گیا ہے موضوع بحث . لیکن سجل علی نے ہمیشہ کی طرح اس بار بھی اس معاملے پر بھی خاموشی اختیار کر رکھی ہے.