احد چیمہ کے خلاف ریفرنس کب دائر ہو گا؟ نیب نے عدالت میں بتا دیا
باغی ٹی وی کی رپورٹ کے مطابق احتساب عدالت نے احد چیمہ کے مزید 14 روزہ جوڈیشل ریمانڈ میں توسیع کر دی، عدالت نے احد چیمہ کو دوبارہ 20 جنوری کو عدالت میں پیش کرنے کا حکم دے دیا، دوران سماعت عدالت نے نیب پراسیکیوٹر سے استفسار کیا کہ ریفرنس کب دائر کیا جائے گا جس پر نیب پراسیکیوٹر نے کہا کہ ریفرنس تیاری کے آخری مراحل میں ہے جلد ہی دائر کر دیا جائے گا،
عدالت نے کیس کی سماعت ملتوی کر دی،
عدالتی سماعت کے دوران نیب تفتیشی افسر کی جانب سے احد چیمہ کے متعلق تفتیشی رپورٹ پیش کی گئی جس میں موقف اختیار کیا گیا کہ الفاء سٹیٹ کے مالک گرفتار ملزم آصف ملک اور عبدالرشید نے احد چیمہ وغیرہ کی ملی بھگت سے اربوں روپے کی خوردبرد کی ،ملزمان ایل ڈی اے سٹی میں ڈویلپمنٹ پارٹنر تھے لیکن غیر قانونی طور پر کروڑوں روپے کے پلاٹ فروخت کر دئیے، ابتدائی اندازے کے مطابق اربوں روپے کی فائلیں فروخت کی گئیں ، اب تک ایل ڈی اے سٹی میں سترہ سو بارہ فائلیں فروخت کیں اور پیسے اکٹھے کئے .
