خوفناک زلزلہ: احمد بن قاسم نے کشمیریوں کی بے بسی بتادی

چیئرمین دختران ملت آسیہ اندرابی کے بیٹے احمد بن قاسم نے کہا ہے کہ کشمیر سے باہر رہنے والے کشمیریوں کو یہ بھی نہیں پتا کہ کشمیر میں خوفناک زلزلہ آنے کے بعد ان کے خاندان والے کیسے ہیں، کیونکہ وہاں ابھی بھی موبائل فون سروس معطل ہے.

تفصیلات کے مطابق احمد بن قاسم نے خوفناک زلزلہ آنے کے بعد کشمیریوں کی بے بسی کو بتادیا. انہوں نے سماجی رابطے کی ویب سائٹ ٹویٹر پر اپنے ایک پیغام میں کہا کہ "ہر وہ کشمیری جو کشمیر سے باہر رہ رہا ہے، اس خوفناک زلزلے کے بعد بے بس ہے کیونکہ جب وہ گھر خیر خیریت پوچھنے کیلئے فون کرتا ہے تو اسے معلوم ہوتا ہے کہ کشمیر میں تو ابھی بھی فون سروس معطل ہے” انہوں نے اللہ پاک سے دعا کرتے ہوئے کہا کہ "اللہ پاک ہماری مدد فرمائیں”.

https://twitter.com/Abq____/status/1176468220443811844

واضح رہے کہ پاکستان بھر میں 5.8 شدت کا زلزلہ آیا جس نے 19 لوگوں کی جان لے لی اور 100 سے زائد افراد زخمی ہیں.