احسن خان کا ارطغرل غازی کے کرداروں پر تنقید کرنے والوں کو کرارا جواب

پاکستان شوبز انڈسٹری کے معروف اداکارومیزبان احسن خان نے تُرک ڈرامے ’’ارطغرل غازی‘‘ کے فنکاروں پر تنقید کرنے والے پاکستانیوں کو آڑے ہاتھوں لے لیا-

باغی ٹی وی : ترک مسلمانوں کی تیرہویں صدی میں اسلامی فتوحات پر مبنی ترکش ڈرامہ سیریل ’’ارطغرل غازی‘‘ جسے ترکی کا ’’گیم آف تھرونز‘‘ بھی کہا جاتا ہے کو ویسے تو متعدد ممالک میں نشر کیا جا چکا ہے لیکن اس نے پاکستان میں مقبولیت کے نئے ریکارڈ قائم کردئیے ہیں

پاکستان میں اس ڈرامے کولوگ بے تحاشہ پسند کررہے ہیں اور لوگ اس ڈرامے کو لے کر اپنے جذبات اور محبت کا اظہار کررہے ہیں تاہم جہاں سوشل میڈیا پر ڈرامے کے کرداروں کی خوب پذیرائی ہورہی ہے وہیں کچھ مداح ڈرامے کے مرکزی کرداروں کی ذاتی زندگی اور ان کے لباس و انداز پر تنقید بھی کررہے ہیں

ڈرامے میں ارطغرل کی بیوی حلیمہ سلطان کا کردار اداکرنے والی ترک اداکارہ اسرا بلجیک کی شاندار اداکاری نے پاکستانیوں کو اپنے سحر میں مبتلا کردیا ہے
https://www.instagram.com/p/B-KNVOMD7nr/?igshid=umjzjgtbole3
https://www.instagram.com/p/B-kAumyDzbz/?igshid=1pw7txarw8z3w

تاہم اسرا ذاتی زندگی میں حلیمہ کے کردار سے بالکل مختلف ہیں اداکارہ نے اپنے انسٹاگرام اکاؤنٹ پر مغربی طرز کے لباس میں تصویر پوسٹ کیں جنہیں دیکھ کر ان کے پاکستانی مداح اپنے جذبات پر قابو نہ رکھ سکے انہیں اسلامی طرز کا لباس زیب تن کرنےکی ہدایات جاری کرنے لگے۔
https://www.instagram.com/p/B5VkhGInS0Y/?igshid=1gz0ly3q28qgi
مداحوں نے اسرا بلجیک کی بولڈ تصاویر پر انہیں تنقید کا نشانہ بناتے ہوئے کہا کہ وہ حلیمہ سلطان کا کردار ادا کرنے کے بعد یہ لباس کیسے پہن سکتی ہیں جو حلیمہ سلطان کی شخصیت کے خلاف ہیں۔

اسرا کے علاوہ ارطغرل غازی کے ہیرو ارطغرل کی بھی انسٹا گرام پر شئیر کی گئی ایک تصویر جس میں وہ اپنے ہاتھ میں اپنے پالتو کتے کو لے کر بیٹھے ہیں پر پاکستانیوں نے انہیں تنقید کا نشانہ بنایا-
https://www.instagram.com/p/1fcscjxFUC/?igshid=moah71khyhik

پاکستانیوں کی جانب سے ارطغرل کے کرداروں پر کیے جانے والے تنقیدی تبصروں کے اسکرین شاٹس سوشل میڈیا پر وائرل ہورہے ہیں جنہیں دکھ کر اداکار احسن خان غصے میں آگئے

I know people in #Pakistan think it's ok to troll actors here and judge them, atleast spare the cast of #Ertugral it's bloody shameful what's going on! Who the hell are we to do this to them?

— Ahsan Khan (@Ahsankhanuk) May 11, 2020

اداکار نے سماجی رابطے کی ویب سائٹ ٹویٹر پر ان تمام لوگوں پر تنقید کرتے ہوئے لکھا کہ ’’میں جانتاہوں کہ پاکستان میں لوگ سوچتے ہیں کہ یہاں اداکاروں پر تنقید کرنا اور انہیں جج کرنا ٹھیک ہے۔ کم از کم ارطغرل کی کاسٹ اور فنکاروں کو تو بخش دیں یہ جو کچھ بھی ہورہا ہے نہایت شرمناک ہے ہم ہوتے کون ہیں ان کے ساتھ یہ سب کرنے والے؟‘‘

جبکہ پاکستانی بھی ارطغرل کاسٹ کے کرداروں سے سوشل میڈیا پر معافی مانگتے ہوئے تنقید کرنے والوں کو آڑے ہاتھوں لیتے ہوئے خوب تنقید کا نشانہ بنا رہے ہیں اور انہیں کمنٹس نہ کرنے کی تلقین کر رہے ہیں

واضح رہے کہ دنیا کے متعدد ممالک میں نشر ہونے کے بعد اب یہ پاکستان ٹیلی ویژن (پی ٹی وی ) یکم رمضان سے پاکستانی وزیراعظم عمران خان کی ہدایت پر نشر کیا جارہا ہے اور اسے نہ صرف مقبولیت حاصل ہو ئی بلکہ یہ پاکستانیوں کا پسندیدہ ڈرامہ بن گیا ہے

اسلامی فتوحات کی تاریخ پر مبنی ترکی کے شہرہ آفاق ڈرامے ’ ارطغرل غازی‘ جسے ترکی کا ’گیم آف تھرونز‘ بھی کہا جاتا ہے نے پاکستان میں دھوم مچائی ہوئی ہے پاکستان میں لوگ اس ڈرامے کے دیوانے ہوگئے ہیں سوشل میڈیا ڈرامے کی کہانی اور کرداروں کی تعریفوں سے بھرا پڑا ہے