احسن خان کو میں بورنگ لگتا ہوں یاسر حسین کا شکوہ

ہر بات صاف صاف بول دینے والے یاسر حسین نے اپنے حالیہ انٹرویو میں کہا ہے کہ وہ احسن خان کے ساتھ کام نہیں کرنا چاہتے . تفصیلات کے مطابق انٹرویو میں میزبان نے یاسر سے پوچھا کہ انڈسٹری میں کون ایسا ہے جس کے ساتھ آپ کام نہیں کرنا چاہتے تو انہوں نے کہا کہ ویسے تو کوئی بھی ایسا نہیں کہ جس کے ساتھ میں کام نہ کرنا چاہوں لیکن اگر سوچوں تو پھر کہہ سکتا ہوں کہ اداکار احسن خان کے ساتھ کام نہیں کرنا چاہوں گا . انہوں نے احسن کے ساتھ کام نہ کرنے کی وجہ بتاتے ہوئے کہا کہ میں تو ان کا بہت بڑا مداح ہوں لیکن وہ مجھے پسند نہیں کرتے ان کا

کہنا ہے کہ میں کافی بورنگ انسان ہوں. انہوں نے شکوہ کیا کہ میں احسن کا مداح ہوں اور وہ مجھے بورنگ کہتے ہیں . یاسر حسین نے کہا کہ احسن اچھے دوست ہیں لیکن اگر ان کو میں بورنگ لگتا ہوں تو پھر کیا کیا جا سکتا ہے. یاد رہے کہ یاسرحسین شوبز حلقوں میں کافی عزت کی نگاہ سے دیکھے جاتے ہیں ان کا شوبز حلقوں میں کافی اثر و رسوخ ہے. انہوں نے ڈراموں میں بھی کام کیا اپنی اہلیہ اقراء عزیز کے ساتھ ڈرامہ سیریل جھوٹی میں بھی اہم کردار ادا کیا .