سماجی کارکن شنیرا اکرم کے بعد اب پاکستان شوبز انڈسٹری کے معروف اداکار اعجاز اسلم نے بھی برطانوی انداز میں کمینٹری کرنے والے پشتون شخص کے انداز کو حیرت انگیز قرار دیا-

باغی ٹی وی :گزشتہ چند دنوں سے سماجی رابطے کی ویب سائٹ ٹوئٹر پر حسن زیدی نامی صارف نے ایک ویڈیو شیئر کی تھی جس میں ایک پشتون شخص برطانوی انداز میں کمینٹری کرتا نظر آرہا تھا۔

حسن زیدی نامی صارف کی جانب سے شیئر کی جانے والی ویڈیو میں دیکھا جاسکتا ہے ایک پشتون شخص سر پر ٹوپی اور کندھے پر رومال لیے برطانوی کمینٹیٹر کی کمینٹری کی اداکاری کر رہا ہے اور دیکھنے والوں کو ایسا محسوس ہورہا ہے کہ جیسے یہ کمینٹری یہ پشتون شخص ہی کر رہا ہے-

ٹوئٹر صارف کے ٹوئٹ کو اپنے ٹوئٹر اکاؤنٹ پر شیئر کرتے ہوئے شنیرا اکرم نے پشتون شخص کے برطانوی انداز کی تعریف کی۔

شنیرا اکرم نے ہنستے ہوئے لکھا کہ اس شخص نے کافی اچھا برطانوی انداز اپنایا ہے۔

اب شنیرا کے بعد نامور اداکار اعجاز اسلم نے بھی پشتون شخص کے ٹیلنٹ کو سراہتے ہوئے اپنے انسٹاگرام اکاؤنٹ پر اُس کی ویڈیو پوسٹ کی ہے۔
https://www.instagram.com/p/CFYuaw2p4tM/?igshid=1ayipcmmxwsea
اعجاز اسلم نے اپنے انسٹاگرام اکاؤنٹ پر ویڈیو پوسٹ کرتے ہوئے لکھا کہ یہ واقعی میں حیرت انگیز ہے۔

اداکار نے مذکورہ ویڈیو پرتبصرہ کرتے ہوئے لکھا کہ ہمارا ملک زبردست اور لاجواب ٹیلنٹ سے بھرا ہوا ہے۔

اعجاز اسلم کی پوسٹ پر معروف اداکار و میزبان فیصل قریشی نے کمنٹ کرتے ہوئے لکھا کہ یہ حیران کُن ہے۔

اداکار نے اپنی پوسٹ کے کیپشن میں ہیش ٹیگ پاکستان ٹیلنٹ اور ٹیلنٹڈ بھی استعمال کیے۔

سوشل میڈیا پر پشتون شخص کی وائرل ویڈٰیو پر شنیرا اکرم بھی تعریف کرنے پر مجبور ہو گئیں