ایک اور ننھی کلی کو بے رحمی سے مسل دیا گیا

باغی ٹی وی : ایک اور ننھی کلی کو بے رحمی سے مسل دیا گیا

شاہ کوٹ محلہ ڈولٹاں کی رہائشی 3 سالہ بچی اسوا کو اغوا کے بعد قتل کر دیا گیا .اطلاعات کے مطابق آج صبح نامعلوم افراد نے گھر کے باہر سے کھیلتے ہوئے بچی کو اغوا کیا،شاہ کوٹ: ملزمان تیز دھار آلے سے 3 سالہ اسوا کا گلا کاٹ کر نعش لاری اڈا کے قریب پھینک کر فرار ہوگئے .

تھانہ سٹی پولیس نے بچی کی لاش کو تحویل میں لیکر تفتیش کا آغاز کر دیا. ادھر وزیر اعلی پنجاب سردار عثمان بزدارنے ضلع ننکانہ صاحب کے تھانہ سٹی شاہ کوٹ کی حدود میں تین سالہ بچی کے قتل کے واقعہ کا نوٹس لیتے ہوئے آر پی او شیخوپورہ سے رپورٹ طلب کر لی اور قتل کے واقعہ میں ملوث ملزمان کی جلد گرفتاری کا حکم دیا ہے –

وزیر اعلی عثمان بزدار نے کہا کہ ملزمان کو قانون کی گرفت میں لا کر سخت کارروائی کی جائے اورمتاثرہ خاندان کو ہر صورت انصاف کی فراہمی یقینی بنائے جائے- وزیر اعلی عثمان بزدارنے غمزدہ خاندان سے واقعہ پر دکھ اور افسوس کا اظہارکیا ہے اور متاثرہ خاندان کو انصاف مہیا کرنے کی یقین دہانی کرائی ہے –