ایک ہزار سے زائد خواتین، ایک سال میں چار چار بار حاملہ، خبر نے تہلکہ مچا دیا
یہ ہے بھارت جہاں خواتین ایک سال میں چار چار بار حاملہ ہو رہی ہیں، بھارت میں خواتین کے سال میں چار بار حاملہ ہونے پر کھلبلی مچ گئی،
باغی ٹی وی کی رپورٹ کے مطابق بھارت کے علاقے دہلی کے نواحی علاقہ فرید آباد کی خواتین سال میں چار چار بار حاملہ ہو گئیں، کچھ خواتین تو سال میں آٹھ سے دس بار حاملہ ہوئیں، اس خبر کے آنے کے بعد حکام نے سر پکڑ لیا اور تحقیقات شروع کر دیں کہ ایسا کیسے ہو سکتا ہے.
جب تحقیقات ہوئیں تو معلوم ہوا کہ خواتین ای ایس آئی کارپوریشن کی ملازمہ ہیں انہوں نے سال میں چار بار اور کئی خواتین نے آٹھ سے دس بار ڈلیوری کی چھٹیاں لیں ،ان خواتین نے محکمہ کے افسران کو ساتھ ملایا، خواتین نے چھٹیاں بھی کیں اور محکمے سے فنڈز بھی لئے، محکمہ اینٹی کرپشن کی ٹیم حرکت میں آئی تو کاروائی شروع کی تو معلوم ہوا کہ ایسی ایک ہزار سے زائد خواتین ہیں جنہوں نے ڈلیوری کی چھٹیاں لیں اور فنڈز بھی لئے، اور ایسی خواتین نے سال میں چار چار بار ڈلیوری کی چھٹی لی.
تحقیقات میں معلوم ہوا کہ محکمہ کے اعلیٰ افسران بھی اس کرپشن کیس میں ملوث ہیں، یہ بھی کہا جا رہا ہے کہ محکمہ میں خواتین کی تعداد کم ہے، فرضی ناموں سے خواتین کو ڈلیوری کے نام پر فنڈز اور چھٹیاں دی گئیں، جب تحقیقاتی ٹیم نے کاغذات چیک کئے تو آن لائن اور دفتر میں موصول ہونے والے کاغذات میں تضاد دیکھنے میں سامنے آیا جس پر کاروائی کی گئی ،خاتون کا بینک اکاؤنٹ ،ڈاکٹر کی مہر کاغذات میں ایک لیکن نام الگ ہوتا تھا.
محکمانہ کاروائی کے بعد محکمہ کے دس افسران کو معطل کر دیا گیا ہے
