باغی ٹی وی کی رپورٹ کے مطابق پنجاب میں جرائم کی شرح مسلسل بڑھتی جا رہی ہے، پنجاب کے شہر فیصل آباد میں گولیاں چل گئیں جس کے نتیجے میں ایک ہی خاندان کے چار افراد کی موت ہو گئی ہے، گوجرانوالہ میں بھی تین افراد کو قتل کر دیا گیا ہے
فیصل آباد کے علاقے کھرڑیانوالہ میں مخالف فریق نے گولیاں چلائیں جس کے نتیجے میں چارافراد کی موت ہوئی، اطلاع پرپولیس موقع پر پہنچ گئی ، پولیس حکام کے مطابق ایک ہی خاندان کے سات افراد عید رشتے داروں کوملنے گئے تھے واپس آ رہے تھے کہ مخالف فریق نے گاڑی پر فائرنگ کر دی جس کے نتیجے میں چار افراد کی موت ہو گئی ہے ،مسلح ملزمان موقع سے فرارہو گئے، پولیس حکام کے مطابق لاشوں کو پوسٹ مارٹم کے لئے منتقل کر دیا گیا ہے
فائرنگ کے نتیجے میں 36 سالہ محد عامر، 6 سالہ دعا فاطمہ 7 سالہ مغیراور 12سالہ علی حسن کی موت ہوئی ہے جبکہ تین افراد زخمی بھی ہوئے ہیں، زخمیوں کو طبی امداد کے لئے ہسپتال منتقل کر دیا گیا ہے،
دوسری جانب گوجرانوالہ میں فائرنگ سے تین افراد کی موت ہوئی ہے، قتل ہونیوالوں میں باپ بیٹا اور چچا شامل ہیں، اطلاع پر پولیس موقع پر پہنچی ،لاشوں کو پوسٹ مارٹم کے لئے ہسپتال منتقل کر دیا گیا ہے،پولیس کے مطابق جاں بحق افراد اپنے ڈیرے پر موجود تھے جہاں نعمان نامی ملزم نے فائرنگ کی اوراسکے بعد بھاگ گیا، ملزم کی گرفتاری کے لئے ٹیم تشکیل دے دی گئی ہے
آئی جی پنجاب نے دونوں واقعات کا نوٹس لے لیا ہے اور رپورٹ طلب کر تے ہوئے ملزمان کو گرفتار کرنے کا حکم دیا ہے
زمان پارک میں غلیل بردار فورس پہنچ گئی
عمران خان نے باربار قانون کی خلاف ورزی کی جس پر انہیں جواب دینا ہوگا
چیف جسٹس عامر فاروق نے ریمارکس دیتے ہوئے کہا کہ جو کچھ ہو رہا ہے وہ آپ کا اپنا کیا دھرا ہے
صدر مملکت ڈاکٹر عارف علوی اور وزیراعظم شہباز شریف نے عید کے پیغامات جاری
