پنجاب کے علاقے فیصل آباد میں افسوسناک واقعہ پیش آیا ہے، ایک اور گھریلوملازمہ کی تشدد سے موت ہو گئی ہے
واقعہ فیصل آباد کی نعمت کالونی میں پیش آیا جہاں ایک خاتون نے کمسن گھریلو ملازمہ پر مبینہ طور پر تشدد کیا جس سے اسکی موت ہو گئی، پولیس نے گھر کی مالکن کو گرفتارکر لیا ہے،اور تحقیقات شروع کر دی ہیں،پولیس حکام کے مطابق خاتون سنیلہ بی بی 12 سالہ ملازمہ عائشہ کی لاش ہسپتال لے کر آئی اور اس نے دعویٰ کیا کہ ملازمہ سکن الرجی کا شکار تھی ، اس سے موت ہوئی، ہسپتال انتظامیہ نے پولیس کو اطلاع دی، پولیس نے خاتون کو گرفتار کرلیا او ر لاش پوسٹ مارٹم کے لئے بھجوا دی،
پولیس نے کمسن بچی کے والد کی مدعیت میں مقدمہ درج کر لیا ہے،پولیس کے مطابق مقدمے میں 2 خواتین سمیت 3 افراد کو نامزد کیا گیا، نامزد ملزمان کو گرفتار کر لیا گیا ہے، گزشتہ رات خاتون بچی کی لاش لے کر سول اسپتال پہنچی تھی، بچی کے جسم پر جگہ جگہ نشانات موجود تھے،بچی کے والدین نے تشدد سے ہلاکت کا مقدمہ درج کرایاپولیس ترجمان کا کہنا ہے کہ مزید حقائق بچی کے پوسٹمارٹم کے بعد سامنے آئیں گے۔
جج عاصم حفیظ بار بار طلبی کے باوجود جے آئی ٹی کے سامنے پیش نہیں ہوئے
اسد شاہ کی بیوی حنا شاہ کے بہت مظالم برداشت کئے،
13 سالہ گھریلو ملازمہ عندلیب فاطمہ تشدد کیس کی سماعت
راجہ پرویز اشرف نے بچوں پر تشدد کے بڑھتے ہوئے رجحان پر اظہار تشویش کیا
