ایک بار پھر ٹائیگر فورس کی رجسٹریشن،نوجوان ہماری مدد کریں،عمران خان

عمران خان نے ٹائیگر فورس کی رجسٹریشن کے لیے ویب سایٹ لانچ کر دی

اس موقع پر تحریک انصاف کے چیئرمین عمران خان کا کہنا تھا کہ آج ہمارا ملک جس موڑ پر کھڑا ہے وہاں ٹائیگر فورس کی ضرورت ہے،ملک میں بیرونی مداخلت کے ذریعے حکومت مسلط کی گئی 30سال سے ملک کا خون چوسنے والے مجرموں کو اقتدار دیا گیا دو خاندانوں نے جھک جھک کر بیرونی طاقتوں کی غلامی کی ،دونوں خاندان پھر اس لیے اقتدار میں لائے گئے تا کہ باہر کے ایجنڈے پر چلیں، یہ ہمارا انصاف کا نظام تباہ کر دیں گے،آج نیب اور ایف آئی اے کو تباہ کر دیاگیا 1100 ارب روپے کی چوری پر خود کو این آر او دیا گیا،ایف آئی اے میں 16 ارب روپے کے کیسز دفن کر دئیےگئے ، اب یہ ایسا ماحول بنا رہے ہیں کہ عدالتوں سے بھی بچ جائیں حکمران کبھی بھی صاف اور شفاف الیکشن نہیں ہونے دیں گے

عمران خان کا مزید کہنا تھا کہ پنجاب کے 20 حلقوں کے الیکشن میں ابھی سے دھاندلی ہو رہی ہے پارٹی کی لیڈرشپ پر ایف آئی آر کاٹی ہوئی ہے،مجھ پر 9مقدمات درج ہیں،پارلیمنٹ ختم ہو گئی ،پنجاب میں بھی تماشا لگا رکھا ہے،اسمبلی میں ایسے شخص کو اپوزیشن لیڈر بنایا گیاجو ن لیگی ٹکٹ پر الیکشن لڑے گا،میڈیا پر فاشسٹ ہتھکنڈوں کے ذریعے بد ترین سختیاں مسلط کی گئی ہیں سوشل میڈیا پر لوگوں کو دھمکایا جا رہا ہے،یہ صرف پاکستان کے ادارے تباہ کر کے خود کو مسلط کرنا چاہتے ہیں، 60 فیصد کابینہ اراکین کرپشن کیسز میں ضمانتیں لے کر بیٹھے ہیں،نوجوان خود کو رجسٹر کریں اور ٹائیگر فورس کا حصہ بن جائیں،انتخابی مرحلے میں نوجوان ہماری مدد کریں،

ٹائیگر فورس سندھ ہاؤس پر حملے کی تیاری کررہی ہے، پی پی اراکین اسمبلی کا انکشاف

کرونا ریلیف ٹائیگر فورس، کب سے شروع کرے گی کام؟ کتنی خواتین نے کروائی رجسٹریشن

غریب کو ابھی تک ایک روپیہ نہ ملا، ٹائیگر فورس کی شرٹس پر حکمران جماعت نے 45 کروڑ لگا دیئے

پیپلز پارٹی نے ٹائیگر فورس کی حیثیت کو عدالت میں چیلنج کرنے کا اعلان کر دیا