![aima baig](https://baaghitv.com/wp-content/uploads/2023/10/aima-baig.jpg)
گلوکارہ آئمہ بیگ جن کی گلوکاری نہ صرف بہترین ہے بلکہ وہ دیکھنے میںبھی کافی خوبصورت ہیں ، ان کو سوشل میڈیا پر اداکاری کرنے کے مشورے ملتے رہتے ہیں ، آئمہ بیگ نے اپنے حالیہ انٹرویو میں ایسے مشوروں پر رد عمل دیتے ہوئے کہا ہے کہ ہو سکتا ہے کہ میں آگے چل کر اداکاری کے میدان میںآجائوں، انہوں نے کہا کہ ابھی بھی مجھے اداکاری کی آفر آتی رہتی ہیں، لیکن میری تمام تر توجہ ابھی گلوکاری پر ہے. انہوں نے کہا کہ اگر مجھے آج اچھی آفر ملے تو ہو سکتا ہے میںسوچ لوں اور گلوکاری سے تھوڑا وقت نکال لوں.
آئمہ بیگ نے کہا ”کہ ایوارڈز کسی بھی فنکار کی حوصلہ افزائی کے لئے بہت اہمیت کے حامل ہوتے ہیں اور مجھے جب جب ایوارڈ ملتا ہے میں خدا کا شکر ادا کرتی ہوں”، ایک سوال کے جواب میں انہوں نے کہا کہ میںہر اس انسان کی قدر کرتی ہوں جو اچھا کام کرتا ہے چاہے وہ فنکار ہو یا گلوکار. آئمہ بیگ نے مزید کہا کہ مجھے اچھی ڈریسنگ کرنا بہت اچھا لگتا ہے، سائرہ رضوان میری پسندیدہ فیشن ڈیزائنر ہیں ان کے ملبوسات خوبصورت ہونے کے ساتھ ساتھ منفرد ہوتے ہیں.مجھے ان کے ملبوسات زیب تک کرکے بہت اچھا لگتا ہے.