ایئر پورٹس پر ناتجربہ کار ڈاکٹر کی بھرتی کا انکشاف

نگراں وزیرصحت نے ایئرپورٹس پر ناتجربہ کار ڈاکٹر کی بھرتی کا نوٹس لے لیا ہے جبکہ ڈاکٹر ندیم جان کا کہنا ہے کہ بارڈر ہیلتھ سروسز نے جونیئر، ناتجربہ کار ڈاکٹر بھرتی کیے، بارڈر اینڈ ہیلتھ سروسز پاکستان ایک اہم ادارہ ہے جبکہ نگراں وزیرصحت نے کہا کہ ایئرپورٹس پر اسکریننگ کے نظام کو مضبوط بناتا ہے، معاملے کی انکوائری کا حکم دیا ہے۔

جبکہ انہوں نے مزید کہا کہ انکوائری میں تعین ہوگا ناتجربہ کار ڈاکٹر کس طرح بھرتی ہوئے، انکوائری پر قانون کے مطابق ایکشن لیا جائے گا اور ڈاکٹروں کی ایئرپورٹس، بندرگاہ، بارڈر پر تعیناتیاں گزشتہ دورحکومت میں ہوئی تھیں۔

یاد رہے کہ گزشتہ روز چیف ڈرگ کنٹرولر نے نگراں وزیر صحت پنجاب ڈاکٹرجاوید اکرم کی اہلیہ کی فارماسوٹیکل کمپنی سے تیار ہونے والی ایک دوا کا استعمال فوری روکنے کا حکم دے دیا تھا اور یہ دوا میڈیکل اسٹورز سے واپس منگوا لی گئی تھی.

جبکہ چیف ڈرگ کنٹرولر پنجاب نے کہا تھا کہ دوائی کا استعمال مریضوں کے لیے جان لیوا ہوسکتا ہے، ریسوٹن دوا کا اسٹاک واپس منگوالیا اور ڈاکٹرجاوید اکرم کی اہلیہ کی کمپنی کی دوائی کا استعمال فوری روکنے کا حکم دیتے ہوئے چیف ڈرگ کنٹرولر نے کہا تھا کہ نجی کمپنی کی دوائی ملاوٹ شدہ اورغیرمعیاری نکلی ہے۔

علاوہ ازیں انہوں نے کہا تھا کہ تمام فارمیسز، میڈیکل اسٹور اسٹاک کی فروخت فوری روک دے اور ٹیبلٹ روسوٹن فوری طور پر واپس بھجوائی جائے اور چیف ڈرگ کنٹرولر پنجاب نے کہا تھا کہ ڈرگ انسپکٹر فوری طور پر دوائی کا اسٹاک واپس منگوائے اور دوائی کا استعمال الرجی کے امراض کے لیے کیا جاتا ہے۔
مزید یہ بھی پڑھیں؛
زمین تنازعہ؛ باپ پر تشدد کرنے والا ملزم گرفتار
کے پی؛ لوئر دیر ضمنی بلدیاتی انتخابات میں پیپلز پارٹی کامیاب
افغانستان میں سیاحتی مقام جانے پر خواتین کو روک دیا گیا
وزیر اعظم کا عوام کو بجلی بلوں میں ریلیف دینے کا حکم
تاہم خیال رہے کہ وزیر صحت پنجاب ڈاکٹرجاوید اکرم کا کہنا تھا کہ کمپنی میری فیملی کی ہے، دوائی میں پیراسٹیامول کے چند ٹریسز پائے گئے ہیں اور انہوں نے یہ بھی کہا تھا کہ بیرون ملک بھی ادویات کا اسٹاک واپس منگوایا جاتا ہے، ادویات کا اسٹاک واپس منگوا لینا اچھا عمل ہے۔