پاکستان کے سابق مایہ ناز باؤلر اور نامور کرکٹر وسیم اکرم نے ورلڈ کپ کے فائنل میں دونوں ٹیموں کے کھیل کی زبردست تعریف کی اور کہا ہے کہ انہوں نے اپنی زندگی میں ایسا میچ کبھی نہیں دیکھا. انگلینڈ کی ٹیم نے فائنل میں بہت اچھا کھیل پیش کیا ہے.
باغی ٹی وی کی رپورٹ کے مطابق سابق قومی کرکٹ وسیم اکرم نے کہاکہ میچ کے آغاز میں انگلینڈ کی ٹیم سخت دباؤ میں تھی اور اس کی چار وکٹیں 86 سکور پر گر گئی تھیں تاہم بعد میں انگلینڈ کی ٹیم نے بہت اچھے طریقے سے بیٹنگ کی اور اپنی ٹیم کو دباؤ سے نکالا.
وسیم اکرم کا کہنا تھاکہ فائنل میچ میں نیوزی لینڈ کی ٹیم بھی اچھا کھیلی، میں سمجھتا ہوں کہ دونوں ٹیموں کو داد دینی چاہیے جس طرح کا شاندار کھیل انہوں نے پیش کیا ہے ۔ ان کا کہنا تھا کہ نیوزی لینڈ کی ٹیم بھی اچھا کھیلی ہے اور دوسری مرتبہ فائنل میں آئی ہے ۔
واضح رہے کہ انگلینڈ نے ورلڈکپ جیت لیا ہے اور یہ پہلی مرتبہ ہے کہ ورلڈکپ کے فائنل کا فیصلہ سپر اوور میں ہوا ہے.
