ایشوریا کے ساتھ بطور ہیرو کاسٹ ہونے پر یقین نہیں آرہا تھا رجنی کانت

بالی ووڈ اور تامل فلموں کے سپر اسٹار اور لیجنڈری اداکار رجنی کانت کا کہنا ہے کہ اداکارہ ایشوریا رائے کے ساتھ بطور ہیروکاسٹ ہونے پر حیرانی ہوئی تھی-

باغی ٹی وی : بھارتی میڈیا کے مطابق رجنی کانت پر اکثر اس بات پر تنقید کی جاتی ہے کہ وہ اپنے سے بہت کم عمر اور نوجوان اداکاراؤں کے ساتھ فلموں میں ہیرو یا اہم کردار ادا کرتے ہیں تاہم انہوں نے کبھی ان باتوں یا تنقید پر توجہ نہیں دی اور نہ ہی کبھی اس بارے میں بات کی –

تاہم رجنی کانت نے میڈیا سے اس حوالے سے بات چیت کی جب 2010 میں ایشوریہ کے ساتھ فلم میں مرکزی کردار ادا کیا تھا-

اس حوالے سے رجنی کانت کا کہنا ہے کہ جب انھیں معلوم ہوا کہ انھیں ایشوریا کے مقابل اس فلم کے لیے چنا گیا ہے تو وہ خود بھی حیران ہوئے تھے، مجھے یقین نہیں آرہا تھا اور یہ مبالغہ آمیزی نہیں ہے۔

جبکہ دوسری جانب اس حوالے سے اداکارہ ایشوریا رائے بچن کے ساتھ جب ایک فلم میں رجنی کانت بطور ہیرو سامنے آئے تو یہ بڑی ہی پُر مزاح بات تھی اور بالی ووڈ کے سپراسٹار امیتابھ بچن تو اس پر زور سے ہنس پڑے تھے۔

یاد رہے کہ روبوٹ نامی فلم میں ایشوریا اور رجنی کانت نے مرکزی کردار ادا کیا تھا اور اس لوگوں نے کافی تنقید کی تھی کیونکہ دونوں کی عمروں میں کافی فرق تھا۔