88ویں میں قدم رکھ لیا ہے لیکن آج بھی خود کو 40 برس کی محسوس کرتی ہوں آشا بھوسلے

بالی وڈ کی سُریلی آواز کی مالک معروف لیجنڈری گلوکارہ آشا بھوسلے کا کہنا ہے کہ وہ آج بھی خود کو 40 برس کا محسوس کرتی ہیں۔

باغی ٹی وی : اپنی سُرلی آواز سے بالی وڈ کو لازوال گیتوں سےنوازنے والی لیجنڈری گلوکارہ آشا بھوسلے نے گزشتہ روز اپنی 87ویں سالگرہ منائی اس موقع پر گلوکارہ نے اپنے مداحوں کے لئے سوشل میڈیا پر ایک پیغام بھی جا ری کیا –

سماجی رابطے کی ویب سائٹ ٹوئٹر پر سُروں کی ملکہ نے اپنی ایک تصویر پوسٹ کی جس میں گلوکارہ نے خوبصورت ساڑھی زیب تن کی ہوئی ہے اور چہرے پر مُسکراہٹ لیے صوفے پر بیٹھی ہیں-

I've completed my 87th and stepped into my 88th but I feel 40! Like me I hope you all feel positive about life. Keep smiling and my advise is to pls be that positive person for all around you – spread the happiness. Thank you so much for all your wishes 🙏🏼 pic.twitter.com/BOqQ9HvCrF

— ashabhosle (@ashabhosle) September 8, 2020

ٹوئٹر پر تصویر شیئر کرتے ہوئے آشا بھوسلے نے لکھا کہ میں نے اپنی زندگی کے 87 برس مکمل کرلیے ہیں اور 88ویں سال میں قدم رکھ لیا ہے لیکن میں آج بھی خود کو 40 برس کی خاتون محسوس کرتی ہوں۔

آشا بھوسلے نے اپنے مداحوں کو نصیحت کرتے ہوئے لکھا کہ میں امید کرتی ہوں کہ آپ سب لوگ بھی زندگی کو مثبت محسوس کرتے ہوئے گزاریں-

لیجنڈری گلوکارہ نے کہا کہ میری صلاح یہ ہے کہ اپنے آس پاس کے لوگوں سے اچھا اور مثبت رویہ اختیار کریں اور خوشیاں پھیلائیں۔

آخر میں گلوکارہ نے سالگرہ کے موقع پر مداحوں کی جانب سے ملنے والی نیک تمناؤں کے لیے اُن کا شکریہ بھی ادا کیا۔

واضح رہے کہ آشا بھوسلے نے گزشتہ روز ہی اپنی87ویں سالگرہ منائی تھی، 8 ستمبر 1933 کو بھارتی ریاست مہارشترا میں پیدا ہونے والی آشا بھوسلے نے اپنے کیرئیر کا آغاز 1943میں صرف دس سال کی عُمر میں مراٹھی فلم’ماجھا بال‘میں’چلا چلا نوَ بلا‘ کے بولوں پر مبنی گانے سے کیا تھا۔

20 سے زائد بھارتی و غیر ملکی زبانوں میں 12ہزار سے زائد گانے ریکارڈ کرنے والی آشا بھوسلے نے کم و بیش 1 ہزار فلموں کے لیے پلے بیک سنگر کی حیثیت سے بھی اپنی آواز کا جادو جگایا ہے۔ آشا بھوسلے کو معروف موسیقار آر ڈی برمن کی کمپوزیشن میں ریکارڈ کروائے گئے گانوں نے شہرت کی بلندیوں پر پہنچا دیا۔

دنیا کی سب سے زیادہ ریکارڈیڈ آرٹسٹ کی حیثیت سے گینز بک آف ورلڈ ریکارڈ میں اپنا نام شامل کروانے کا اعزاز بھی حاصل ہے-

آشا بھوسلے کو ان کی خدمات کے صلے میں بھارت کے اعلیٰ ترین سویلین اعزاز پدما بھوشن اور دادا صاحب پھالکے سمیت درجنوں ملکی و غیر ملکی اعزازات و ایوارڈ سے بھی نوازا جاچکا ہے۔

کوئی بھی فنکار مداحوں کے بغیر کامیاب نہیں ہو سکتا علی ظفر

ارطغرل کے عبدالرحمن غازی کا پاکستانیوں کے لئے خصوصی پیغام