آجکل ٹیلنٹ نہیں بلکہ انسٹاگرام فالوورز کے حساب سے کاسٹ کیا جارہا ہے علی عباس

پاکستان ڈرامہ انڈسٹری کے معروف اداکارعلی عباس کا کہنا ہے کہ اب کام ٹیلنٹ پر نہیں بلکہ انسٹاگرام پر فالوورز کی تعداد کی بناء پر دیا جاتا ہے۔

باغی ٹی وی :حال ہی میں دیئے گئے ایک انٹرویو کے دوران جہاں علی عباسں نے شکوہ کیا کہ لوگوں کو ٹیلنٹ کے حساب سے نہیں انسٹاگرام فالوورز کے حساب سے کاسٹ کیا جاتا ہے۔

علی عباس کا کہنا تھا کہ میرے ابھی انسٹاگرام پر 2 لاکھ 17 ہزار فالوورز ہیں اور لوگ میرے کام کی طرف نہیں بلکہ انسٹاگرام فالوورز کی تعداد کو دیکھتے ہوئے بات کرتے ہیں جو کہ بلکل غلط بات ہے۔

ان کا سوال کرتے ہوئے مزید کہنا تھا کہ کیا آپ سلیم ریاض کے ٹیلنٹ کو انسٹاگرام فالوورز کی بنیاد پر جج کریں گے؟ یا آپ نعمان اعجاز کا ٹیلنٹ انسٹاگرام پر جج کریں گے؟

علی عباس نے کہا کہ یہاں پر ہر ٹک ٹاکر، انسٹاگرام صارف اور اب یوٹیوبر ان سب کو کاسٹ کیا جا رہا ہے کسی کی ویڈیو وائرل ہوگئی تو اسے کاسٹ کیا جا رہا ہے۔