بھارت، اکبر الدین اویسی کے خلاف مقدمہ درج کرنے کا حکم

بھارت میں مجلس اتحاد المسلمین کے رکن اسمبلی مسٹر اکبرالدین اویسی کے خلاف مقدمہ درج کرنے کا حکم

تفصیلات کے مطابق مجلس اتحاد المسلمین کے رکن اسمبلی و پارٹی فلور لیڈر مسٹر اکبر الدین اویسی کے خلاف عدالت نے مقدمہ درج کرنے کا حکم دیا۔ قبل ازیں کریم نگر پولیس کمشنر نے مسٹر اویسی کو کلین چٹ دے دی تھی۔

بعد ازاں وکیل بی مہندر ریڈی نے مقامی عدالت میںدرخواست داخل کی۔ انہو ں نے عدالت سے مطالبہ کیا کہ وہ اکبر اویسی کے خلاف مقدمہ درج کرنے کے احکام جاری کرے۔جس پر فاضل جج مجسٹریٹ مس پی سائی سدھا نے کریم نگر پولیس کوحکم جاری کیا کہ وہ رکن اسمبلی اکبر اویسی پر فرقہ وارانہ بیان پر مقدمہ درج کریں۔

یاد رہے کہ 24جولائی کو مسٹر اویسی نے کریم نگر ضلع میں ایک جلسہ سے خطاب کیا تھا۔