اختر مینگل نے استعفیٰ پر نظر ثانی کی یقین دہانی کرائی ہے،اسد قیصر

پاکستان تحریک انصاف کے وفد کی اختر مینگل سے پارلیمنٹ لاجز میں ملاقات ہوئی ہے

وفد میں اسد قیصر عمر ایوب روف حسن و دیگر پارٹی قیادت شامل تھی،ملاقات میں سنی اتحاد کونسل کے صاحبزادہ حامد رضا بھی شامل رہے،ملاقات کے بعد اسد قیصر نے پارلیمنٹ لاجز میں صحافیوں سے گفتگو کرتے ہوئے کہا کہ اختر مینگل سے ملاقات کی ہے، پانچ بجے ہمارے اتحاد کا اجلاس ہے،اختر مینگل نے استعفیٰ پر نظر ثانی کی یقین دہانی کرائی ہے،

دوسری جانب حکومتی رہنما رانا ثناء اللہ نے سردار اختر مینگل سے ملاقات کی۔ذرائع کا کہنا ہے کہ سردار اختر مینگل نے فوری استعفیٰ واپس لینے سے معذرت کرلی ہے،سردار اختر مینگل نے سیاسی جماعتوں کے وفد کے ساتھ ملاقات کے بعد گفتگو کرتے ہوئے کہا کہ ابھی استعفی واپس لینے کا کوئی ارادہ نہیں ہے،جبرو تشدد، بلوچستان کے استحصال کا مسئلہ ہر حکومت میں اٹھایا،حکومت ریاست بلوچستان کے مسائل سمجھ نہیں پا رہی

علاوہ ازیں وزیر اعظم شہباز شریف کے مشیر برائے سیاسی امور رانا ثناء اللّٰہ نے اختر مینگل سے ملاقات کے بعد میڈیا سے بات کرتے ہوئے کہا کہ اختر مینگل سے کہا ہے کہ وہ پارلیمنٹ کا حصہ رہیں، اختر مینگل نے ہمیشہ بلوچستان کے حقوق کی بات کی ہے، اختر مینگل قانون اور آئین کے مطابق اپنی جدوجہد جاری رکھیں،ہم نے اختر مینگل کے پاس ریویو پٹیشن دائر کردی ہے، اختر مینگل نے کہا ہے کہ ہماری ریویو پٹیشن پر غور کریں گے. امید ہے اختر مینگل ہماری نظرثانی کی درخواست منظور کریں گے،اختر مینگل نے جن تحفظات کا اظہار کیا وہ امانت ہیں، اختر مینگل کے تحفظات متعلقہ حکام تک پہنچائیں گے،زیراعظم تمام پارٹی لیڈرز کے ساتھ مشاورت کے بعد آگے بڑھیں گے۔

واضح رہے کہ گزشتہ روز بی این کے سربراہ، رکن قومی اسمبلی اختر مینگل نے اسمبلی رکنیت سےمستعفی ہونے کا اعلان کر دیا تھا،وفاقی دارالحکومت اسلام آباد میں پریس کانفرنس کرتے ہوئے اختر مینگل کا کہنا تھا کہ میں آج اسمبلی سے استعفیٰ کا اعلان کرتا ہوں،میں اپنے لوگوں کے لیے کچھ نہیں کر سکا، بلوچستان کے حالات دیکھ کر فیصلہ کر کے آیا تھا، میں ریاست، صدر اور وزیراعظم پر عدم اعتماد کا اعلان کرتا ہوں، پورے نظام پر عدم اعتماد کر رہا ہوں

عمران خان آکسفورڈ یونیورسٹی کے چانسلر کے لیے نامناسب ترین امیدوار قرار

آکسفورڈ یونیورسٹی کے وی سی کا الیکشن ،پی ٹی آئی کا ایک اور جھوٹ بے نقاب

عمران خان جیل سے آکسفورڈ یونیورسٹی کے چانسلر کے لیے الیکشن لڑیں گے

عمران خان کو آکسفورڈ کا نہیں اڈیالہ جیل کے قیدیوں کا الیکشن لڑنا چاہیے،عظمیٰ بخاری

اڈیالہ جیل میں ٹانگ پر ٹانگ رکھ کر دیسی مرغ کھانے سے انقلاب نہیں آتے،عظمیٰ بخاری

اڈیالہ جیل میں سزا یافتہ عمران خان الیکشن لڑنے کے خواہشمند

اڈیالہ جیل ،عمران خان کے سیل کی خصوصی تصاویر،باغی ٹی وی پر

بشریٰ بی بی کو زہر دے کر عمران خان کو جھکانے کی کوشش کی جارہی ہے،زرتاج گل