کراچی ، ایک بار پھر ہیٹ ویو الرٹ جاری
باغی ٹی وی کی رپورٹ کے مطابق محکمہ موسمیات نے کراچی میں ایک اور معتدل درجے کی ہیٹ ویو کا خدشہ ظاہر کیا ہے۔
محکمہ موسمیات کے ڈائریکٹر سردار سرفراز کے مطابق شہر قائد میں 17 تا 22 مئی معتدل ہیٹ ویو کی لپیٹ میں رہ سکتا ہے،ہیٹ ویو کے دوران دن میں درجہ حرارت 42 ڈگری سینٹی گریڈ تک جانے کا امکان ہے۔
ڈائریکٹر محکمہ موسمیات کے مطابق دن کے اوقات میں سمندری ہوائیں معطل رہ سکتی ہیں، جبکہ شمال مغربی اور مغربی علاقوں سے گرم اور خشک ہوائیں چلیں گی، معتدل ہیٹ ویو میں شام میں سمندری ہوائیں بحال ہوسکتی ہیں. شہریوں کو اس حوالہ سے آگاہی مسلسل دی جائے گی
