اکشے کمار کو بی کلاس سٹار کیوں کہا جاتا تھا؟‌

بالی وڈ کے کھلاڑی اکشے کمار کا سوشل میڈیا پر ایک کلپ وائرل ہو رہا ہے جس میں انہوں نے بتایا ہے کہ جب وہ فلموں میں آئے تو انہوں نے وہ کردار کئے جن میں ان کو لگا کہ اداکاری کرنے کی بہت زیادہ گنجائش ہے. اکشے نے کہا کہ مجھے شروع شروع میں بی کلاس ایکٹر کہا جاتا تھا لیکن میں خاموشی سے سنتا تھا کیونکہ مجھے کام کرنا تھا بالی وڈ انڈسٹری میں نام بنانا تھا یہاں ایک لمبے عرصے تک رہنا تھا. اکشے کمار نے کہا کہ میں نے فلموں کی چوائس ایسی رکھی کہ ایک وقت آیا کہ مجھے بی کلاس کہنے والوں نے مجھے اے کلاس ایکٹر کہنا شروع کر دیا .

اکشے نے کہا کہ جب مجھے بی کلاس ایکٹر کہا جاتا تھا اس وقت بھی مجھے ٹینش نہیں‌ ہوتی تھی اور جب اے کلاس کہتے تھے تب بھی مجھے کوئی بہت زیادہ خوشی نہیں ہوتی تھی. بس میں خوش تھا کہ میرا شمار اچھے اداکاروں میں ہورہا ہے. میں نے کچھ سوچا نہیں‌تھا کہ کس طرح کے کردار کرنے ہیں بس چوائسز ملتی گئیں اور میں‌فلمیں کرتا گیا. اکشے نے کہا کہ میں‌ہمیشہ ہی سکینڈلز کی زد میں گھرا رہا لیکن اس وجہ سے اپنے کام سے توجہ نہیں‌ہٹائی بلکہ جم کر کام کیا اور ناقدین کے منہ اپنے اچھے کام سے بند کئے.