اداکارالبیلا کو بچھڑے 15 برس بیت گئے ،کئی یاد چھوڑ گئے جو ابھی تک تازہ ہیں

لاہور معروف کامیڈین اداکار لیجنڈ فنکار البیلا کو مداحوں سے بچھڑے آج 15 سال گزر گئے، لیکن البیلا کی چھوڑی ہوئی یادیں اب بھی تازہ ہیں.مرحوم فنکار کی اداکاری دیکھ کر آج بھی لوگ کھلکھلا اٹھتے ہیں۔البیلا کے مداح آج بھی اسی پیار سے اسے یاد کرتے ہیں.

مکالموں اور چہرے کے تاثرات کے ذریعے مزاح پیدا کرنے والے البیلا 17 اپریل 1944 کو پیدا ہوئے، ممتاز مزاحیہ اداکار البیلا کا حقیقی نام اختر حسین تھا، البیلا کو مزاح کے ساتھ گلوکاری کا بھی بہت شوق تھا۔

البیلا نے متعدد فلموں میں اداکاری کے جوہر دکھائے جن میں بھریا میلہ، اچا ناں پیار دا، بدنام، عشق نچاوے گلی گلی اور باؤ جی قابل ذکر ہیں۔ البیلا نے سٹیج پر اپنی مزاحیہ اداکاری اور جملوں کی برجستہ ادائیگی کے باعث شہرت کی بلندیوں کو چھوا۔اختر حسین البیلا 17 جولائی 2004 کو 63 برس کی عمر میں دل کے دورے کے باعث لاہور میں انتقال کر گئے تھے