پاکستانی امپائر علیم ڈار کیوں‌ آئے تنقید کی زد میں

پاکستانی امپائر علیم ڈار کیوں‌ آئے تنقید کی زد میں

باغی ٹی وی رپورٹ کے مطابق آسٹریلیا اور نیوزی لینڈ کے درمیان باکسنگ ڈے ٹیسٹ کے دوران پاکستانی امپائر علیم ڈار تنقید کی زد میں آ گئے
رپورٹ کے مطابق آسٹریلیا اور نیوزی لینڈ کے درمیان باکسنگ ڈے ٹیسٹ کے دوران پاکستانی امپائر علیم ڈار تنقید کی زد میں آ گئے ۔کھیل کے تیسرے روز مچل اسٹارک کے باؤنسر پر کیوی بیٹسمین مچل سینٹنر کیخلاف کیچ کی اپیل کی گئی جسے فیلڈ امپائر نے ناٹ آؤٹ قرار دیا۔آسٹریلیا نے اس فیصلے کیخلاف ریویو لیا تاہم ٹی وی امپائر علیم ڈار نے متعدد مرتبہ ری پلے دیکھنے کے بعد فیلڈ امپائر کے فیصلے کو برقرار رکھا۔ اس موقع پرسابق لیگ اسپنر شین وارن نے علیم ڈار کے فیصلے کو غلط قرار دیتے ہوئے کہا کہ گیند گلووز سے قبل آرم گارڈ کو ٹچ کر گئی تھی لہٰذا علیم ڈار کو مختلف زاویوں سے دیکھنا چاہئے تھا۔ مارک وا نے بھی تھرڈ امپائر کے فیصلے کو غلط قرار دیا ہے