انسدادِ دہشت گردی کی عدالت نے بانیٔ پاکستان تحریک انصاف (پی ٹی آئی) عمران خان کی بہن علیمہ خان کی درخواست منظور کرتے ہوئے انہیں اپنے بھائی سے ملاقات کی اجازت دے دی ہے۔
راولپنڈی کی انسدادِ دہشت گردی کی عدالت میں عمران خان کی بہن علیمہ خان کی درخواست کی سماعت ہوئی۔ علیمہ خان نے عدالت میں موقف اختیار کیا کہ منگل کے روز اُنہیں اپنے بھائی سے ملاقات کا وقت دیا گیا تھا، مگر وہ ملاقات نہیں ہو سکی۔علیمہ خان نے عدالت سے استدعا کی کہ وہ اپنے بھائی سے ملاقات کے لیے جیل حکام کو حکم دیں تاکہ آج ملاقات کرائی جا سکے۔عدالت نے علیمہ خان کی درخواست پر غور کرتے ہوئے اڈیالہ جیل کے سپرنٹنڈنٹ کو ہدایت جاری کی کہ وہ بانیٔ پی ٹی آئی عمران خان کی فیملی کو ملاقات کی اجازت دیں اور یہ ملاقات جلد از جلد ممکن بنائیں۔
