علی امین گنڈا پور کے گھر چھاپہ،غلیل،ڈنڈے،سیلاب ریلیف کا سامان برآمد
باغی ٹی وی کی رپورٹ کے مطابق تحریک انصاف کے رہنما علی امین گنڈا پور کی گرفتاری کے لئے پولیس نے انکے گھر ڈیرہ اسماعیل خان میں چھاپہ مارا ہے
چھاپے کے دوران علی امین گنڈا پور تو گھر میں موجود نہ ہونے کی وجہ سے گرفتار نہیں ہو سکے تا ہم علی امین گنڈا پور کی رہائش گاہ سے کافی سامان برآمد کر لیا گیا ہے، علی امین گنڈا پور کے گھر سے سیلاب، ریلیف، کرونا ریلیف کا سامان برآمد ہوا ہے، پولیس حکام کے مطابق علی امین کے گھر سے غلیلیں اور ڈنڈے بھی برآمد ہوئے ہیں،پولیس کے مطابق یہ وہی سامان ہے جو حکومت پاکستان نے غریبوں کی مدد کے لیے ڈسٹرکٹ ایڈمنسٹریشن کو دیا تھا۔ریلیف کے سامان کے علاوہ غلیلوں ، کانچ اور ڈنڈوں کے تھیلے بھی ملے ہیں۔
پولیس حکام کے مطابق علی امین گنڈا پور نے چند دن پہلے نگران وزیراعلیٰ کو خط لکھ کر الزامات لگائے تھےسوشل میڈیا پر وائرل خط میں عوام کو نگران وزیراعلیٰ کے خلاف اکسایا گیا اور کارروائی اسی خط پر کی گئی ،دوسری جانب علی امین گنڈا پور کے اہلخانہ نے الزام عائد کیا ہےکہ پولیس ہمارا ذاتی سامان لے گئی ہے ، اس سامان کی رسیدیں موجود ہیں
علی امین گنڈا پور گرفتار ہوئے تھے،جب وہ رہا ہوئے تو اسکے بعد سے روپوش ہیں اور منظر عام پر نہیں آئے
علی امین خان گنڈہ پور کی گرفتاری کیلئے ضلعی پولیس کاالامین ہاؤس پر چھاپہ
پی ٹی آئی رہنما علی امین گنڈہ پور گرفتاری کے ڈر سے روپوش ہوگئے.
علی امین گنڈا پور کی مشکلات میں اضافہ
