پشاور: وزیراعلیٰ خیبرپختونخوا علی امین گنڈاپور نے پیسکو چیف کے درمیان آج ملاقات کی-
وزیراعلیٰ خیبرپختونخوا علی امین گنڈاپور اور پیسکو چیف کے درمیان آج ملاقات ہوئی جس میں پیسکو چیف نے صوبے میں بجلی لوڈشیڈنگ کم کرنےکی یقین دہانی کرادی،وزیراعلیٰ علی امین گنڈاپور اور پیسکو چیف کے درمیان صوبے میں لوڈشیڈنگ کا نیا شیڈول جاری کرنے پر بھی اتفاق ہوا۔
نئے شیڈول کے مطابق جن علاقوں میں 22 گھنٹے لوڈشیڈنگ ہوتی تھی وہاں اب 18 گھنٹے لوڈ شیڈنگ ہوگی، جن علاقوں میں 18 گھنٹے لوڈ شیڈنگ ہوتی تھی وہاں اب 14 گھنٹے لوڈشیڈنگ کی جائے گی۔
وزیر اعلیٰ علی امین گنڈاپور نے کہا کہ نئے شیڈول پر عملدرآمد کے لیے پیسکو حکام چیف سیکرٹری کے ساتھ آج ہی طریقہ کار طےکریں، کسی گرڈ میں شیڈول سے ایک منٹ زیادہ کی بھی لوڈشیڈنگ ہوئی تو متعلقہ ایکسین کے خلاف مقدمہ درج کیا جائے۔
پاکستان کو بلائنڈ کرکٹ ٹیم کی میزبانی مل گئی
علی امین گنڈاپور نے کہا کہ بجلی سے متعلق مسائل کے حل کے لیے وفاقی حکومت کے ساتھ بات کرنے کے لیے تیار ہیں، بات تب تک نہیں ہوسکتی جب تک عوام کو لوڈشیڈنگ سے فوری ریلیف نہ ملے صوبائی حکومت اپنے بقایا جات سے کٹوتی کروا کر لوگوں کو ریلیف دینا چاہتی ہے، صوبے میں لائن لاسز کی ذمہ دار وفاقی حکومت اور پیسکو ہے بجلی معاملات پروفاقی وزیر توانائی کو پرسوں سی ایم ہاؤس آنے کی دعوت دی ہے۔
اسلام آباد اورر بالائی پنجاب میں آج سے بارشوں کی پیشگوئی
واضح رہے کہ وزیر اعلیٰ علی امین گنڈاپور نے اپنے ویڈیو بیان میں آج تک کی مہلت دیتے ہوئے دھمکی دی تھی کہ لوڈشیڈنگ کم نہ ہوئی تو پشاور الیکٹرک سپلائی کمپنی پر قبضہ کر کے لوڈشیڈنگ شیڈول وہ خود بنائیں گے، پیسکو چیف کو خیبرپختونخوا میں رہنا ہے تو ان کے طریقے سےچلنا ہوگا، یہ وارننگ نہیں ٹائم لائن ہے، ان کا صوبہ سستی بجلی بنا کر مہنگی خریدتا ہے، وفاق نے حق نہ دیا تو پھر سب دیکھیں گے کہ وہ حق کیسے لیتے ہیں۔
